影片
更多
2009-07-31
11 浏览
跟好友們下晝係中環碼頭等，一齊搭船到榕樹灣，開始我地的南丫島之旅﹗上次來好似已是三四年次的事，印象中冇食過啲咩野，今次就做晒資料搜集，食好野﹗本來想到Shelley Cake Express去食豆腐芝士蛋糕，但太多人又要差唔多時間開始行去索罟灣，所以建興亞婆成為了我們的第一站﹗（題外話︰成日唔明點解啲豆花專門店一係就叫做亞婆，一係就亞媽...）話就話係榕樹灣，但都由碼頭行左一段路先到。沿路上好多其他的豆花店混水摸魚，但要知道邊間係真的建興亞婆好簡單，排晒隊嘅就一定係佢。原來仲有地方畀你坐的，感覺好似古時啲人趕路去赴考時經過的食檔，坐底飲杯茶食個包放低盤川又繼續上路去。平時的我一定會食熱，但仲有成一個鐘的路程，唔想慢性自殺的話都係食凍的好，就當係新嘗試啦。豆花七蚊一碗，外賣八蚊。價錢唔平，但原來大大碗的，計番都同其他地方差唔多。可能係凍的關係，豆腐花唔太滑。而且佢唔係畢到一片片，而佢係一大舊一大舊豆腐咁畢，畢左大約三舊已經成個碗滿左。唔係一片片，冇咁容易可以「雪」一聲咁吞落去，所以口感方面係不滿意的。至於豆味係比大埔亞婆的重，而且糖漿係黃糖整的，仲有少少的薑味，味道搭救番﹗但係冇搞勻，所
話就話係榕樹灣，但都由碼頭行左一段路先到。沿路上好多其他的豆花店混水摸魚，但要知道邊間係真的建興亞婆好簡單，排晒隊嘅就一定係佢。原來仲有地方畀你坐的，感覺好似古時啲人趕路去赴考時經過的食檔，坐底飲杯茶食個包放低盤川又繼續上路去。
平時的我一定會食熱，但仲有成一個鐘的路程，唔想慢性自殺的話都係食凍的好，就當係新嘗試啦。豆花七蚊一碗，外賣八蚊。價錢唔平，但原來大大碗的，計番都同其他地方差唔多。
可能係凍的關係，豆腐花唔太滑。而且佢唔係畢到一片片，而佢係一大舊一大舊豆腐咁畢，畢左大約三舊已經成個碗滿左。唔係一片片，冇咁容易可以「雪」一聲咁吞落去，所以口感方面係不滿意的。至於豆味係比大埔亞婆的重，而且糖漿係黃糖整的，仲有少少的薑味，味道搭救番﹗但係冇搞勻，所以食到底好甜好甜。
論口感是大埔的好，論味道是南丫島的好，本應打和，但唔知點解仍然對大埔亞婆情有獨鍾。可能因為我覺得豆腐花「滑」係好重要的，同埋幫襯開鍾意佢個一份人情味。朋友們都全部都話依度的豆花好食好食，我的心卻一直記掛住遙遠大埔的亞婆。
张贴
