影片
入到南丫岛梗系要试阿婆豆腐花以前有一排味道失准但今次入到嚟再食有惊喜口感几特别餐桌环境一般般 枱面卫生情况都麻麻地不过食豆腐花好快冇所谓叫咗两碗豆腐花糖浆可以自己落食落好滑 消暑一流
继续阅读
$16一碗。一去到完全冇人食嘢。环境又有啲差，唔知系冇装修原本就系咁定点？如果阿婆有能力建议可以整靓啲环境，例如抹下枱都好🥲基本上每张枱上面嘅糖浆都爬住成堆埋蚂蚁，冇仔细睇攞起嚟，吓到我差啲倒泻支糖浆😱我谂应该个糖浆系冇盖，所以吸引到啲蚂蚁。虽然但是其实张枱都有好多蚂蚁爬来爬去，唔紧要啦，我当亲亲大自然😄但系啲枱仔细望落去好似冇抹过咁冇清洁其实个豆腐花都唔系话好好食，佢得糖浆冇砂糖，我比较钟意食砂糖，可能唔系咁啱我口味。但个豆腐花都唔系好滑，渣渣地嘅口感讲返阿婆，嗌豆腐花𠮶阵，完全冇同我讲过嘢，眼都冇望过一眼，我有我讲佢有佢滗豆腐花，呢个态度唔知好定唔好🥲总之我下次都系去返近榕树湾码头𠮶间豆腐花，唔会再嚟，真系讲声唔好意思先🙏🏻
继续阅读
好多年前食过，印象中呢档豆腐花系唔错。但今次再食之后我觉得以后都唔会再食。唔知系咪转咗手，阿婆就见唔到，但就有个女人用纯正普通话叫我去自己攞碗豆腐花。碗豆腐花拎到返嚟，已经觉得形状好奇怪系好似布甸咁，企身既，正常食到嘅豆腐花，唔应该有呢种形状。食咗两啖，一啲豆味都冇，而且食落好有粉感，似系啲未成形嘅布甸，落得太多石膏粉。大家可以睇下张相，正常豆腐花唔会系咁既形状，仲要卖$16一碗，又贵又难食。卖5蚊碗都唔会想食佢，或者街市豆腐舖买嘅豆腐花可能仲好食过佢。第一次用难食嚟形容一碗豆腐花。荃湾大埔嘅豆腐花好食过佢好多。另外，系冇黄糖提供，碗豆腐花已经加咗糖水，但食落似系糖浆，系死甜𠮶啲化学剂糖浆。食咗两啖加上碗豆腐花嘅质感，已经唔想再食。唔知系咪真系转咗手，连食豆腐花要有黄糖粉咁基本嘅嘢都冇，定阿婆觉得无论卖到几贵整成点都一定有人会嚟食。奉劝大家，唔好见到呀婆山水豆腐花就一定觉得系好食，完全系贴钱买难受。
继续阅读
我哋约埋一齐三个朋友去南丫岛玩，行到攰攰地，就去坐低食南丫豆腐花😬我哋嗌咗三碗冻嘅豆腐花，因为系平日所以唔系咁多人☺️我哋落咗少少黄糖,其实成碗豆腐花都好够味，我觉得呢碗豆腐花嘅质感同平时我哋喺出面食嘅系好唔同，佢唔系净系一般咁样好滑，今次食嘅呢个系有少少粗糙嘅感觉😲同埋有少少（糯糯地）嘅感觉，但系又好特别😎以前带只狗仔嚟玩嘅时候就系喺呢条桥行过，然后喺呢度食豆腐花，所以我觉得呢碗豆腐花系食回忆嘅💕对我嚟讲特别好味。
继续阅读
一碗滑溜溜嘅豆腐花，一口下去够晒「花生」😋，够晒香满溢嘅黄姜汁就更加「捞上」！今次去到呢间卖豆腐花嘅店，简直系行山嘅一大福音！依到唔单只豆腐花做得好，连豆浆都一啱啱好，口感顺滑，几滋润喉咙。贪凉嘅我，当然系拣咗冰凉凉嘅豆腐花。质地滑唔漏手，入口即溶，带点豆香味，食落去真系「正到弹」👍！就连点心𠮶啲黄姜汁都够香，够味，令成碗豆腐花都生色不少。坐喺门口食呢兜准嚟，又见到行山嘅人潮来来往往，食豆腐花嘅时候咬一口，再睇一眼山景，真系几写意。哈哈，提提各位，喺呢度卖嘅豆腐花好受欢迎嘅，想试嘅话记得早啲嚟，唔系就得等下次喇！😊👣🌞
继续阅读