Le Viet (已結業)

今日旺角收工, 同朋友就喺附近搵野食突然心血來潮想食越南野, 所以朋友就近近地帶左我上銀行中心既依間Le Viet依度地方都幾大, 環境乾淨, 平時行開附近都唔知原來有間越南菜, 真係失策!坐低左, 揀好野食, 就等醫肚喇首先黎左個串燒, 豬牛雞各一串, 我同朋友SHARE食, 每樣都有得試下, 3種入面最好食係雞, D肉夠彈牙, 而燒得香口, 而個串燒醬又夠惹味, 真係唔錯!之後有個咖哩軟殼蟹煲, 個份量都唔少, 軟殼蟹炸到脆卜卜, 比我地自己揀幾時擺落煲度, 唔會煮到淋晒! 而個咖哩煲仲有個薄餅送, 可以點汁食, 正!跟住仲有個炒椰菜苗, 份量都係唔少, 幾抵食, 而且D菜唔會好老, 值得推薦比愛叮菜既朋友!最後仲有個香茅燒烏頭, 依條魚由order到上桌都需要一d時間, 睇黎係真係用心製作! 一上桌既時候真係「嘩」一聲, 因為好大條, 又燒得好靚, 打開魚皮, 入面d肉燒得好香口, 唔會太鞋, 就算唔太好食魚既我都幾乎食左一半! 可惜今晚太多食, 如果唔係一定會叫多碗白飯送黎食!雖然今日係星期一, 有少少blue Monday, 但係食左餐咁正既越南野, 即刻冇咁blue, 可以