影片
更多
2025-05-26
340 浏览
又踏入日本海膽嘅盛產期🗾又係時候要準備好個胃😌海膽嘅種類同產地都有好多唔同，曾經喺日本食過一碗海膽蓋飯，足以溶化咗我個心🫠點樣去配搭亦都係一門學問🧐咁複雜嘅嘢當然就交返俾師傅，我哋都係等食喇😝今次揀咗期間限定共20品嘅「海膽盛宴Omakase」🤩品嘗好多款唔同嘅海膽，仲有一款係非常特別😲睇落去你就知點解🤫🧡先付🧡🎬 京都豆皮配淡路島紫海膽🎬 螢光魷魚味噌醬🎬 炸澤蟹🎬 鹿兒島柑桔先拔頭籌嘅就已經係嚟自淡路島嘅紫海膽🤩用上咗淡口嘅醬汁輕輕調味，但亦搶唔走本身嘅鮮味😋而同樣亦都配上帶有豆香嘅豆皮去襯托，口感亦增加咗唔少👍🏼螢光魷魚就較為濃味啲🦑入口軟腍，隱約有種咸香味😶🌫️澤蟹炸過後整隻都變得脆口，不過食嘅時候要小心佢尖銳嘅蟹腳🦀最後呢個柑桔好貼心，微酸嘅味道可以清一清口腔，又可以再開胃啲🤣𝄢..🧡刺身🧡🎬 華漣真蠔正常就係食生蠔嘅🦪不過我唔食生蠔，所以就經師傅特別調製過😂正值係佢嘅盛產期，所以蠔身都會大隻啲飽滿啲👍🏼海水味唔算十分重，蠔味嘅甜會突出啲😌🎬 白象拔蚌/粒貝配紫蘇梅鹽·柚子鹽·竹炭鹽白象拔蚌嘅爽口程度真係極致🤤加上佢肉身好厚，爆出嚟嗰種鮮甜混埋海水味，基本上唔需要調味都已經
今次揀咗期間限定共20品嘅「海膽盛宴Omakase」🤩品嘗好多款唔同嘅海膽，仲有一款係非常特別😲睇落去你就知點解🤫
🧡先付🧡
🎬 京都豆皮配淡路島紫海膽
🎬 螢光魷魚味噌醬
🎬 炸澤蟹
🎬 鹿兒島柑桔
先拔頭籌嘅就已經係嚟自淡路島嘅紫海膽🤩用上咗淡口嘅醬汁輕輕調味，但亦搶唔走本身嘅鮮味😋而同樣亦都配上帶有豆香嘅豆皮去襯托，口感亦增加咗唔少👍🏼
螢光魷魚就較為濃味啲🦑入口軟腍，隱約有種咸香味😶🌫️澤蟹炸過後整隻都變得脆口，不過食嘅時候要小心佢尖銳嘅蟹腳🦀最後呢個柑桔好貼心，微酸嘅味道可以清一清口腔，又可以再開胃啲🤣
𝄢..
🧡刺身🧡
🎬 華漣真蠔
正常就係食生蠔嘅🦪不過我唔食生蠔，所以就經師傅特別調製過😂正值係佢嘅盛產期，所以蠔身都會大隻啲飽滿啲👍🏼海水味唔算十分重，蠔味嘅甜會突出啲😌
🎬 白象拔蚌/粒貝配紫蘇梅鹽·柚子鹽·竹炭鹽
白象拔蚌嘅爽口程度真係極致🤤加上佢肉身好厚，爆出嚟嗰種鮮甜混埋海水味，基本上唔需要調味都已經好出色👍🏼不過師傅另外配咗三款食鹽去令到佢嘅味道更昇華😋
🎬 原隻紫海膽配甘蝦·烏魚子
即開即食嘅原隻紫海膽都食得到😍為咗令到唔好咁單調，仲加入咗甘蝦同烏魚子🤤甘蝦自身嘅甜味加埋落海膽係鮮上加甜，而烏魚子嘅咸味可以當作一個調味，所以食起上嚟味道好豐富🥰
🎬 稻草炙燒煙燻BB吞拿魚
BB吞拿魚嘅肉質果然係更加嫩滑🫣經過稻草炙燒後仲留有焦香，唔影響本身嘅味道但又帶有煙燻香氣😶🌫️蔥汁都係師傅自己調制，可以沾多啲個汁食，同吞拿魚嘅味道相當夾，唔會搶味🤪
🎬 清酒煮鮑魚
用清酒去烹調一隻大隻過手掌嘅鮑魚😆睇見都feel到入晒味😋鮑魚切片後都非常厚肉，軟腍得嚟又不失彈牙嘅口感，而佢嘅鮑魚肝醬更加令到鮑魚嘅味道更突出👍🏼
🎬 毛蟹配赤海膽·蟹醋啫喱
今次赤海膽就同毛蟹做配搭🦀呢個配搭絕無遺和感喇🤣毛蟹嘅蟹遇上海膽嘅甜美，點能夠抵擋呢🤤不過最特別就係師傅自製嘅蟹醋啫喱😲醋嘅酸味可以刺激到味蕾，同時又唔會搶走佢應有嘅鮮甜🙂↕️
𝄢..
🧡料理🧡
🎬 熟成馬友
🎬 赤海膽．茶碗蒸
馬友魚向來就有一種獨特嘅魚味，經過燒製後仍然可以保留佢獨有嘅味道🐟魚肉滑身，外皮煙韌😌而茶碗蒸嘅蛋亦都係好滑溜，有一層好似雞湯嘅醬汁，提升咗整個茶碗蒸嘅味道😋同時因為有赤海膽嘅加入，鮮甜味有增無減👍🏼
𝄢..
🧡壽司🧡
🎬 鮮北寄貝
🎬 槍魷魚配小川海膽
🎬 地金目鯛配柚子胡椒
🎬 醬油漬吞拿魚
🎬 中拖羅
🎬 平川赤海膽
🎬 淡路島地海膽（有花香芒果香味）
🎬 大拖羅
去到呢一part要用大癲去形容🫣要著重講返海膽呢個位🤣先講吓海膽巴士，用上平川赤海膽去鋪到好似架雙層巴士咁😍一啖擺唔晒落口，入口係滿滿嘅海膽鮮甜，溶晒喺口入面，真係難以形容嘅感覺🤩而另一款係淡路島地海膽，佢可以話係全晚最特別嘅一款海膽，極為罕見嘅少有品種🫢佢特別之處係竟然會有淡淡芒果同花香，好神奇，係一款清新得嚟又帶有鮮甜嘅海膽🤤佢係唔需要加上任何調味去食，咁樣先可以食到佢最真嘅味道👅
𝄢..
🧡碗物🧡
🎬 魚湯
嚟到尾聲，看似平平無奇嘅魚湯又帶到驚喜俾你🫢魚湯嘅湯底簡直係濃縮版，魚味澎湃🐟隱約仲飲到蕃茄嘅清香，大滿足了🤪
𝄢..
🧡甜品🧡
🎬 日本蜜瓜
🎬 抹茶黑糖蕨餅
甜點先係蜜瓜，非常清甜🍈香氣撲鼻😶🌫️跟住就係食店自家製蕨餅，軟腍得嚟又煙韌😋埋尾甜品都落足心機👍🏼
食材會按當日海產鮮活情況，由主廚決定作適當調整👨🏻🍳但同樣喜歡海膽鮮甜嘅你，就萬萬不能錯過🤤
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 ➤ 🔟✿
张贴