一盛極牛 (已結業)

見近期新開左間拉麵，以牛為主題。聽到和牛刺身拉麵覺得幾有趣，就黎一試！星期五晚的確多人，門外一早企滿了客人。輪候大概50分鐘，終於可安排入座。比一般拉麵店，舖面算不少。有四人座及吧枱一人座，幾闊落。店內好多唔同特色海報，又播日文歌，形造日本小店氣氛。唯獨店員較少，見佢地好落力係舖面為客人服務。點餐時清楚check單，睇哂客人要求並重複，方便廚房處理。並mark低刻客人座位號碼，方便上菜。🔸極牛拉麵 $108湯底用牛骨熬製，醬油濃度分三個程度 (淡/普通/濃)。一向重口味既我今次都係揀黎濃味，牛味尚可，油脂重。一片和牛刺身的確十分矜貴，非常薄切，一啖入口表示唔夠喉。如果怕生，可以選擇火炙牛，有三小片。配料選擇有好多，可按個人喜好揀唔要/一份/兩份。有啲後悔揀左全部一份…… 信我，揀兩份都唔會好多，甚至先得於正常份量。拉麵曲麵底，少少彈牙。溏心蛋半隻好淋，想要多啲可再追加。