稻八日式火鍋炸物放題 (已結業)

補番同奶奶慶祝母親節嘅食評先，奶奶係大埔人，三步不出歸門，有乜嘢喜慶慶祝我都會喺大埔附近搵嘢食。舊墟直街就係其中一個好地方，中國人始終喜歡圍埋一齊食飯咁先至夠溫馨。稻八仲推廣緊「$20任飲啤酒Asahi」飲返兩杯更加高興日本國產黑毛和牛放題 $368本來覺得$368任食有d貴，後來因為要就OT放工時間, 我哋改咗食消夜，「9點半後入座85折」, 咁就突然覺得抵食好多啦！一上場已經全部係靚牛肉冇花冇假，叫幾多俾幾多速度快而且又冇漏單，抵讚日本國產黑毛和牛脂肪分布平均，入口即溶，而且門口充滿油香。牛肉味濃郁到不得了，滾兩三秒已經可以食得，靚嘅肉真係最多食medium好啦！嚴選澳洲M6和牛、極上安格斯牛排、特級美國穀飼牛、美國進口牛肉真係多如天上繁星，我已經不斷食密密食係咁食食極都唔夠喉，一塊接一塊。相對起和牛，美國自然豚肉片真係一碟就夠晒數。海鮮盛合一啲都唔馬虎，青口、帶子、蠔、魷魚真係應有盡有。感覺到十分滿足之餘出去行一行，自助式炸物 都幾好玩嘅最後一定要讚任食雪糕杯，仲要係貴架！Dreyers 黑糖抹茶同埋開心果口味我獨力食咗兩杯今次真係翻晒本。