Papaya Pok! Pok! (已結業)

夜收工，諗住快快咁搵啲嘢食下填飽個肚就算！去到朗豪坊，除左麥當勞之外，food court係另一個選擇！可能因為入夜關係，food court人唔算多，兩個人好容易搵到張吉嘅四人枱！我地決定係韓國屋、coco壹番屋同泰國嘢三揀一，泰國嘢贏，因為唔使排隊！揀左個泰式雞肉金邊粉同海鮮菠蘿炒飯，等號碼攞單！兩個味道都偏淡，炒飯係用無味形容，賣相都麻麻，係港版嘅金邊粉同菠蘿炒飯，同出面正宗嘅差太遠喇！感覺好似中伏咁，只不過旺角地段，food court收費，填肚係終極目的，算係咁！