影片
食家推介
叫左个肉骨茶饭，谂住差极都有个谱 点知一见到个样已经唔开胃.一大碗好似汤渣咁既野，份量小价钱贵就冇得讲，宜啲都系自己拣，但个质素真系搞唔掂!碗野啲味又奇怪，系甜架!同平时食开𠮶啲肉骨茶完全唔同，入面啲肉又老又’鞋’，真系好似煲汤骨咁。啲豆卜又硬，好似未熟咁。全程觉得自己咬紧擦胶，练牙力。最后顶唔顺食左三分一就放弃。本身都知food court唔会太高质，但都冇谂过会差到咁离谱。真心劝大家食food court唔好拣佢🤢
继续阅读
旺角朗豪坊行到攰攰地～加上晏昼食得太饱～咁夜晚就随便系food court食D嘢啦～可能系圣诞呀依度人山人海～都有4-5个选择有中式、日式、韩式同泰式我最后拣咗依间泰式快餐～泰式鸡肉金边粉加热柚子蜜～卖相吸引～有：鸡肉、芽菜、蛋丝、青柠檬、花生碎一齐炒～仲有生嘅韭菜做装饰～如果嫌味道淡～仲有三种酱汁～有：新鲜指天椒粒鱼露、酸醋、糖～各有所好啦～我就选择加少少鱼露～因为个粉味道偏淡～加咗鱼露食落好似正D
继续阅读
夜收工，谂住快快咁揾啲嘢食下填饱个肚就算！去到朗豪坊，除左麦当劳之外，food court系另一个选择！可能因为入夜关系，food court人唔算多，两个人好容易揾到张吉嘅四人枱！我地决定系韩国屋、coco壹番屋同泰国嘢三拣一，泰国嘢赢，因为唔使排队！拣左个泰式鸡肉金边粉同海鲜菠萝炒饭，等号码攞单！两个味道都偏淡，炒饭系用无味形容，卖相都麻麻，系港版嘅金边粉同菠萝炒饭，同出面正宗嘅差太远喇！感觉好似中伏咁，只不过旺角地段，food court收费，填肚系终极目的，算系咁！
继续阅读
foodcount野食，一般都比人入唔到口既感觉，但自从有几间做得出色左之后，相对质素都带动上升左。朗豪坊呢度既foodcount，除左铁板饭，韩国野之外，我多左呢间推介:喇沙汤面$60原本我想食佢个新加坡鸡饭，但好耐无食喇沙，就拣左佢。我本身无谂住写，但佢有两只虾，有只蛋，各样配菜同汤底都可以比美啲泰国餐厅，最后我连个汤都饮哂，喺食个老麦都要39.6既时势，呢碗面我比80分我会再去试佢个新加坡鸡饭，睇佢其他野得唔得先~
继续阅读
第一次食朗豪坊呢一间，一个女仔，中等食量，叫咗个烧猪颈肉饭，佢话系有蒜香味，初初食头一两啖觉得冇咩感觉，越食越好食，真系好想再去食第二次，分量一个人啱啱好猪颈肉烧得唔会太硬，出边有好多都烧得好硬，劲难咬开，呢个完全唔会呀，而且好少配饭系有埋蒜头，真系开正我个饭，蒜香味好好食呀另外仲叫咗两个鸡肉全消，啲沙嗲汁好惹味，而且好多，仲可以到埋落去捞埋啲饭一齐食，真系好正啊！同埋都好多位，唔会话太难有位坐。。环境好舒服
继续阅读