包點先生 (已結業)

今晚煲咗蠔豉瘦肉粥做晚餐，所以，打算加啲點心做配菜，出完街回程經過街市，就幫襯咗呢間縮晌街市內嘅「包點先生」。鋪面一眼睇晒，唔多講。所有點心、蒸飯、燉湯、炆餸嘅款式及價錢都顯示晒晌上面嘅電視機。當然，仲有啲中式包點，直接放咗出嚟。買咗兩款點心，每一款都獨立包裝起嚟， 整潔衛生。潮州粉果 $19一份有4個，每個都算幾大隻，包到漲卜卜，不過，食落個外皮稍為厚少少，其實你睇個外觀都睇到佢唔喺咁薄透，幸而口感軟熟，亦唔黏牙， 裡面塞滿晒餡料，算喺交足功課。雞紮 $22雞扎就一客兩大件，大大隻包足餡，外層嘅腐竹好有豆香，裡面嘅雞肉好嫩滑，火腿食得出亦唔喺平價貨色，仲有大大件軟熟嘅魚肚，整體味道確喺唔錯。今次試住佢兩款點心先，有機會試下佢啲蒸飯得唔得，因為見到啲蒸飯款式多，又只喺賣$26，可以講喺糧尾恩物。