J’s Bistro (已結業)

今日食晏原本係諗住係大樹先生到食, 但係去到訂枱無得食, 見到依間J'S新開, 無乜人, 就諗住食晏就嗱嗱臨食完算, 佢依到係一個main course可以跟兩個side dish, 我就食咗依啲野：意式蔬菜湯 - 好足料, 好多菜, 加咗啲通粉雜粒更為飽肚, 偏鹹, 但食得出廚房係用心機煲嘅。櫻桃茄羊奶乳酪沙律 - 全部都新鮮貨,  櫻桃茄多汁脆口, 羊奶乳酪我最愛, 騷得嚟帶濃烈奶香味, 羅馬菜有揀過無老無爛。1/4隻燒雞 - 醃得幾入味, 無雪味, 雞燒得肉嫩但皮不脆, 但醃得不錯, 都食得過。新開張有9折優惠, 同啲店員全部都好NICE好好笑容, 幫襯得過。