影片
好耐无写过食评喇，呢排就算有食好野，都无乜再写，因为我真系好懒，不过我真系觉得想赞下间餐厅，所以就写返篇食评喇。前几日朋友同我食生日饭，所以我就拣左呢间餐厅，之前有另外朋友推介过质素OK，最紧要系性价比高，因此….就决定食你啦!!餐厅环境都好舒服，几好坐，同埋都宁静，唔会好嘈杂，之前试过食有D餐厅，要好似同朋友闹交咁大声，个D就真系唔好喇，所以呢家都真系合格之上的。我地拣左一鸡扒意粉餐，包餐汤加牛角包仔，饮品半价，意粉餐真心超值，一阵会详细讲解。再拣左个半条猪仔骨主菜，可以以减十蚊的优惠拣加多两道小食，最后拣左千层面同烟三文鱼沙律。首先讲下鸡扒意粉餐先，个日个餐汤系南瓜汤，都OK的唔错，唔会调味过左火喉同南瓜味都有ge，当然我会觉得南瓜味可以再重D同个汤可以再稠多少少，不过附送黎讲，其实都OK的。牛角包仔size唔算大，但有香浓的牛油味，同埋都松脆有层次，入面都有咬口，但又唔会话好油腻。饮品我就拣左即磨咖啡，不过不失，在没有特别要求的情况下，奶同咖啡比例是合适的。至于意粉方面，见到真系超惊喜，首先份量真系好大份，意粉好多，唔会饿亲，香蒜味足够，见到粒粒蒜蓉，真材实料，鸡扒非常嫩滑，唔会鞋烚烚咁，但系就好入味，表面的芝士咪都好香浓，加上我order左多粉，就更加好味了，$100都唔驶ge价钱黎讲，真系好抵食。意粉餐真系无得输，另外的菜式就系半条猪仔骨，醋仔骨都OK的，唔会焗到好干，但系肉就唔算入味，加返D黑椒就会好D。千层面减十蚊之后就$48，不过份量唔叫多，表面的芝士系OK，同有拉丝效果，不过手工千层面味道比较一般，无咩味道，肉酱就比较干身。烟三文鱼沙律菜的份量唔算多，好彩我平时成日食好多菜，唔介绍份量少，不过以加$28黎讲就好似真系可以多返D，同埋本身唔太钟意沙律酱捞生菜，我会觉得有D咸，不过系个人口味问题，所以我会推荐大家食意粉餐，性价比超高。不过餐厅员工态度超好，有礼貌，又helpful，见到我地切蛋糕会主动话帮手影相同拣走枱面上面D碟同餐具，呢样已经好抵赞，有时真系要食埋D服务质素㗎，同埋麻烦仔的我地无火机，问餐厅借都有借比我地，员工全程无黑面，笑笑口，好好。香港人，唔好再成日话香港食野态度差，「其他」地方好好多，真系要留返系香港，大大力支持返香港的饮食业，香港人都好努力㗎。
继续阅读
同老婆晌荔枝角完咗聚会谂下食乜好，佢就记返起大概两年前同姨仔庆祝生日嚟过呢间主打欧洲健康食材，以意大利橄榄油烹调，无添加味精嘅「J's Bistro」，由于𠮶次印象好唔错，所以，佢就话再嚟呢间一试。只喺时隔两年，环境当然无乜点变，都喺一室以深色木系装修为主，加上有唔少小盆栽作点缀，有啲田园风；咁啱得咁桥，又喺被安排坐返上次𠮶张卡位。上次都提过，餐厅尾有一排对窗吧枱位，好适合一个人自己嚟。不过，今日可能假期关系，午市全院满座，所以，如果两三个嘅话唔介意，选错吧台位就可以快啲入座。餐厅正中央有个自助区，放咗好多餐具、餐碟、餐纸、纸杯、各种调味料……等等，自由取用。 食物选择方面，有两个主餐牌，一款叫「全日套餐」， 共有6款主菜，定价范围比较阔，并可以特价追加最多两款配菜，唔包饮品，但有加配优惠。 另一款叫「意粉套餐」，共9款意粉，并包是日餐汤配迷你牛角包，定价$68-$108，亦唔包饮品，但有特价加配优惠。餐厅全日都无加一，所以，真喺几实惠。之前嚟喺采用半自助形式，即喺晌收银处落单，俾个号码牌你放晌枱上，等店员将食物送上。而依家就多埋以二维码落单，不过，当日就系统有少少问题，未做重设，所以，啲烤鸡一早话「售罄」，结果就只好人手落单。烤法国无激素鸡脾 $48老婆就最讲健康，所以，呢个法国无激素鸡髀就最啱佢，同上次嚟嘅一样，完全无乜卖相可言，单单就系喺一只烤鸡髀。焗得外皮金黄，入口外皮香脆，皮下脂肪少，肉质比预期嫩滑，尤其脾位自然好啲，否则都唔需要另加10蚊啦。挪威烟三文鱼凯撒沙律 +$28净食只鸡脾佢应该唔够喉，所以，加配咗一份凯撒沙律，不过，好老实，卖相其实有少少寒酸，但廿零蚊货仔又唔可以要求太多。虽然话喺凯撒沙律，但无银鱼柳、水瓜榴、烘面包粒……等等，只喺简单罗马生菜配酱汁，而啲三文鱼有烟熏香，但油份欠奉。甘笋忌廉汤配迷你牛角包我就点过意粉餐先呢个餐汤牛角包，甘笋忌廉汤不过不失，色泽就几靓，但甘笋味唔喺好突出，还好嘅喺质感都几 幼滑，而牛角包都几酥脆，富牛油香，如能再烘得热啲就更正，猪肉酱粗管通心粉 $78上次就试咗一道「托斯卡纳干蕃茄意大利粉」，感觉喺几唔错，所以，主菜就拣咗粗管通心粉。试过之后，其实有少少失望，第一喺份量真喺偏少，对大部分男士嚟讲可能真喺唔喺好够食，我就勉勉强强咁啦；第二就喺啲通心粉唔喺烟韧，直头有微微地硬，似未煮透𠮶种；第三肉酱同酱汁同样都喺少，所以，食起嚟感觉比较干身。即磨咖啡 +$10去茶餐厅就梗喺试奶茶，嚟到西餐厅拣即磨咖啡就最稳阵，总之用嘅咖啡豆唔差嘅话，冲出嚟都唔会差得去边。而眼前呢杯咖啡就唔错，虽然唔喺话好高质素，但入口都算醇香。对比起上次，呢次嘅用餐体验无上次咁好，侍应都好有礼貌，尽量做足招呼嘅工作，但食物嘅水准就有较大落差。
继续阅读
今天到荔枝角工作，向客人道别时顺便问一句有哪个地方午膳。佢话D2商场有几间食店，可以自己揾下。本身揸住一袋二袋都唔想点行，不过见D2喺正附近，即管腾上去，一楼有几间食店，心大心细最后拣咗间食西式嘅。食店几骨子，部分bar枱位置向窗口位可以望下街景，不过我攞得太多嘢所以唔想坐咁高。坐低定一定神再望清楚个menu，不止有意粉，仲有扒类选择，今天天气闷热，简单叫了一个「牛肝菌蘑菇牛柳意大利手工宽条面」，呢个午餐set还包括了一个餐汤、牛角包同一杯饮品。先嚟牛角包同餐汤，牛角包焗得好香，牛油不重唔会有罪恶感，汤清甜，唔使点调味都很够味。宽条面卖相唔错，有阵阵橄榄油炒出来的香气，阔条面有咬口，炒得烟韧适中，肉碎汁渗入面条中更多了一份层次，牛柳快炒刚刚好不会韧，唔错。饮杯回魂咖啡后精神过来，一洗早上工作的繁重感，亦唤醒了另一个甜品胃，于是叫了一客是日甜品。朱古力是我至爱，朱古力浓厚不腻，内层烟韧，份量唔会太大刚好填我的甜品胃，yummy 。稍稍歇息客人渐多，我都无谓霸住张枱，拎起两袋又向著公司的路途上打拼。
继续阅读
I have been going there for over 3 years. Recently, the restaurant has updated the menu with several new choices. have been satisfied with the quality of foods, coffee, and deserts includes, Steak, Fish, Pizza, Cakes, Spaghetti, Lemon Tart, Fruit Tart, Tiramisu, lava cake and more. Fairly big menu & I consider a very good bistro. if you live in Lai Chi Kok or around, this is the place of all including individuals, families and kids. - Restaurant and there is no service charge to eat here.
继续阅读
疫情之后已经隔咗好耐冇黎，餐牌都变咗。我钟意食呢度嘅意粉，有诚意。今次试咗意大利牛肝菌蘑菇酱牛柳手工意大利宽条面，个名就好长卖都很不错～宽条蛋面对我来说也算软硬适中，其实都几难拿捏，佢喺al dente偏软身少少，而且面身食得出质素不错。三片牛柳片质地唔算干，98蚊一个套餐，包餐汤牛角包意粉算系咁。最精彩系个调味酱汁，连埋甘笋蘑菇碎等有咬口，够酱同意粉配衬很提升，调味也讨喜～ 甘笋餐汤忘记拍照了，另加十蚊有杯饮品，斋啡可以。呢度系半自助式的，到柜台落单，然后餐点送上，服务友善，坐得舒服。 以前嚟食过佢嘅俄罗斯牛肉意粉，我系好喜欢，热辣辣又多酱，而家都好回味
继续阅读