影片
更多
2019-11-10
722 浏览
朋友早排睇咗飲食節目「香港美食一條街」，知道鰂魚涌有間「鯛魚魚湯專門店」，說很想一試，問我是否可以做嚮導，既然友人叫到，我當然樂意奉陪。餐廳位於海堤街龍景大廈地下，門口有一大塊木刻名牌，加上和式拉門，很有日系感覺。店內地方不大，設計以木調和黑白啡的配搭為主，裝潢簡潔。由於揀了個較早時段到訪，進店時還沒有其他食客，所以有點似包場一樣，感覺特別舒適寫意。翻開桌上餐牌細看，食物選項甚多，單是魚湯烏冬就經有成廿幾款，令人眼花繚亂，另外亦有多款鯛魚魚湯飯、鯛魚定食、小吃及飲品。如果想吃得豐富一點，更可以追加鮑魚、花膠、魚肚、帶子、鯛魚片等等，全部明碼實價。餐廳以鯛魚湯做主打，當然不可以錯過，我哋揀咗鮑魚花膠魚肚魚湯烏冬、吉列豬扒定食，另外再加咗餃子雞翼同罐裝飲品 (+$6)。鮑魚花膠魚肚魚湯烏冬 ($138)，先呷一口湯，味道果然不錯，湯色奶白，膠質豐富，魚味鮮濃，應該用足料熬成，令人喝得很滿意，絕非浪得虛名。再挾起手打烏冬，滑溜彈牙，帶麵粉香；魚肚吸滿魚湯，非常入味，很討人喜歡。鮑魚雖是罐頭貨，但質素亦不俗，食落彈牙味鮮，兩個人分享，一人一隻唔使爭。花膠看起來雖然細細隻，不過原來膠質都幾重，而
餐廳位於海堤街龍景大廈地下，門口有一大塊木刻名牌，加上和式拉門，很有日系感覺。
店內地方不大，設計以木調和黑白啡的配搭為主，裝潢簡潔。由於揀了個較早時段到訪，進店時還沒有其他食客，所以有點似包場一樣，感覺特別舒適寫意。
翻開桌上餐牌細看，食物選項甚多，單是魚湯烏冬就經有成廿幾款，令人眼花繚亂，另外亦有多款鯛魚魚湯飯、鯛魚定食、小吃及飲品。如果想吃得豐富一點，更可以追加鮑魚、花膠、魚肚、帶子、鯛魚片等等，全部明碼實價。
餐廳以鯛魚湯做主打，當然不可以錯過，我哋揀咗鮑魚花膠魚肚魚湯烏冬、吉列豬扒定食，另外再加咗餃子雞翼同罐裝飲品 (+$6)。
鮑魚花膠魚肚魚湯烏冬 ($138)，先呷一口湯，味道果然不錯，湯色奶白，膠質豐富，魚味鮮濃，應該用足料熬成，令人喝得很滿意，絕非浪得虛名。再挾起手打烏冬，滑溜彈牙，帶麵粉香；魚肚吸滿魚湯，非常入味，很討人喜歡。鮑魚雖是罐頭貨，但質素亦不俗，食落彈牙味鮮，兩個人分享，一人一隻唔使爭。花膠看起來雖然細細隻，不過原來膠質都幾重，而且吃起來亦很鮮甜爽口。
餃子雞翼 ($40) 雞翼釀入了豬肉餡，外形脹卜卜，一口咬下，外皮焦香、帶少許甜，入面餃子餡有雞肉的鮮味，食落有口感之餘仲十分 juicy，啖啖肉。
至於另一客吉列豬扒定食 ($85) 上桌時就配有鯛魚濃湯、中華沙律。魚湯每日新鮮自家煲，入口鮮甜濃郁，喝起來啖啖滋味。主角厚切豬扒有成手掌咁大塊，份量十足，外層的吉列炸衣入口鬆脆，清爽不油，而且咬下仍有肉汁，配搭白米飯吃，很是滿足。
餐廳不設加一服務費，埋單兩個人不用 $300，非常抵食。
张贴
