天星雲南米線

营业中

休息中

大路米線鋪以外選擇: 叫左酸辣米線，腩肉厚切，米線大碗足料，比起其他米線鋪算得上良心店，比足料，食完唔頸渴。豬腸撈麵有淮山麵選擇，大大碗，而且唔使另外加錢，豬腸煮得入味，唔會成舊油，最重要清得好乾淨。除左米線同麵食，仲有湯飯選擇。店鋪開張無耐，地方企理乾淨，買滿100蚊仲有小食附送。店員快手而且有禮貌，只係鋪位係內街，少人發覺，不過老闆話可以送外賣，40幾蚊一碗，已經無得挑剔啦。希望OpenRice 快啲有直接落單，會多一個選擇。