影片
以上资料只供参考，请与餐厅确认详情
见佢依家都可以扩张，应该味道真系唔错，lunch time就一班人去试下去到好好彩即刻有位，唔洗喺炎热嘅天气下排队。同台分别叫左沙爹麻辣，酸辣，醉鸡米线。同埋必叫嘅猪软骨落单后，无几耐陆续上台，份量惊人，仲配有大量芫荽😍芫荽爱好者极度开心，而醉鸡米线，鸡肉另上，但系都好足料。猪软骨份量大到筷子都夹唔稳，有足足两大块酸辣同沙爹麻辣汤底都非常浓郁同惹味，沙爹麻辣偏厚重而酸辣就更开胃，两款都十分推荐米线煮得刚刚好唔会过淋，好有口感。同埋整体食完不会口干舌燥，唔洗不断饮水
继续阅读
之前听同事介绍过，终于有机会过来食！14:00左右去到，都要等10-15分钟试咗佢哋嘅麻酸辣汤底（微辣）～麻味够、酸味足，饮落开胃之余唔会辣到好辛苦！最惊喜系落咗好多芫茜，汤底够足料👌🏻配料方面拣咗豆卜同黄金墨鱼饼～豆卜吸晒汤汁，非常入味😋鱼饼都几弹牙！另外见到有食评话食完呢间唔会生暗疮，暂时我食咗两日又真系冇㖞😆（再观察多几日先可以下定论哈哈）
继续阅读
总结： 天星云南米线二人套餐整体表现出色，米线汤底有层次，配料丰富而味道到位，小食亦有惊喜，饮品稍逊但不致影响整体体验。环境虽普通但尚算整洁，服务亦算得体。性价比不错，值得推荐。叫左嘅食物有：- 天星二人套餐（HK$180）- 第一碗小锅米线（猪软骨、酸菜、鸡肉，中辣酸麻辣汤底）- 汤底酸麻辣三味均衡，中辣程度恰到好处，刺激感适中又唔会太呛。- 猪软骨炆得够腍，有胶质感；鸡肉嫩滑，与酸菜配搭有层次，增添开胃感。- 米线烟韧挂汤，口感理想。- 第二碗小锅米线（脆肉鲷鱼片、金钱肚，大辣麻辣汤底，转左薯粉）- 汤底辣味明显，麻香突出但唔会盖过原材料风味。- 薯粉稍淋，口感不太理想。- 鲷鱼片外脆内嫩，口感特别；金钱肚炆得入味，爽口弹牙。- 整体组合丰富，辣得过瘾。- 小食：凉拌猪耳 & 墨鱼春卷- 凉拌猪耳爽口有咬口，醋香同麻油味道适中，开胃效果好。- 墨鱼春卷外皮香脆，墨鱼弹牙，味道突出，令人惊喜。- 饮品：涷鸳鸯 & 涷朱古力- 虽然味道一般，涷鸳鸯偏淡，涷朱古力甜度普通，但作为配餐饮品仍属可接受范围。环境： 整体环境一般，坐位安排虽不挤迫，但装潢简约，气氛偏平淡。服务： 店员态度正常，点餐流程顺畅，整体无失礼。价钱： HK$180; 无加一; 人均 HK$90进食时段： 晚餐时间评分： 8.4/10详细评分解释： 综合食物（味道与卖相）、环境（气氛、空间、卫生）、服务、性价比四方面作整体评估。比分偏重食物与饮品部分。- 1‐5分： 不推荐- 5‐6.9分： 普通，低机会回访- 7‐8分： 都可以，会考虑回访- 8.1‐9分： 相当不错，大机会回访- 9.1‐10： 各方面都好好，一定会回访整体而言，天星云南米线系米线控可以考虑到访嘅选择，特别汤底及小食表现亮眼！
继续阅读
见无人等位，就行入去试下，叫酸麻辣汤底，𩠌叫萝卜猪软骨，好酸好难食，食得出放咗好多醋，建议放返d酸菜落去吊味呀唔该。汤底无乜特色，酸同淡茂茂，萝卜无味。其实唔明点解网上咁多人讲，完全唔系果回事。环境方面，好窄好逼，呢个都唔紧要，搭台都唔紧要，坐四人台搭台系正常，坐二人台再搭台坐对面，对面食客一索D粉，d汁弹晒过对面😓，其实唔怪食客，食粉面就预咗会有汁，但大佬，你间店明知d台咁细就唔好二人台再搭台啦，今时今日大家咁注重卫生既年头。我食过咁多店，二人台坐咗人通常都唔会再安排入客，或者人地中间会放块板。
继续阅读
几咗不下10次，次次都系食系自选热拌凉皮，知熟哂有咩配料。今次漏咗落花生，同位事头婆讲返：漏咗，佢答我：凉拌先有😂😂😂，食开㗎㖞师姐。仲同我讲我要嘅就俾我。心谂：你个code有得走花生㗎㖞🤨讲到好似唔洗钱送系我咁。临走叫个外卖，叫个凉拌猪软骨鲷鱼薯粉，再另加14蚊猪软骨。都怪自己顾住同朋友吹水无check个外卖。返到屋企见到个外卖：鲷鱼游走咗，猪软骨应该两份4条变得一份2条。厨房呢排应该系好忙，又可能系我运滞，两个面都出事。不过猪软骨仍然好味因为无特别影相做证，避免被怀疑老作，我系6月5号下午2左右入座枱号c13?定c15?堂食两个面加一外卖，2:45左右埋单㗎
继续阅读