喜鍋 海鮮‧火鍋‧小廚 (已結業)

朋友聚會，一行五人到旺角食火鍋，朋友提議到喜鍋海鮮火鍋，因無時間限制又坐得舒服。我們點了招牌花膠鯊魚骨膠原湯鍋並附送甘香脆米飯。湯內有好多花膠及豬腳及雞腳，如果用咁既價錢有咁多片花膠，其實真的好抵。當湯滾後大家就急不及待將啲脆米飯放落鍋，店員隨即趕上前提醒我們只需放在碗上加湯就可食，我們就快快重新撈上放回碗中再加上未落湯的脆米飯，估唔到效果非常好，有兩種唔同既脆！非常美味！食完脆米飯，我們就上主菜了！就是牛魔王塔上面嗰層係肥牛粒，中間是本地肥牛，底層係和牛片，非常有牛味！我們還點了桂花蚌（貴妃蚌）、新鮮黑柏葉、手打牛肉丸、鮮雞件、脆脘骨腩、蘿蔔、蛙蛙菜、生菜、魚皮、自家製響玲卷，所有食物都好有水準，非常新鮮及有份量。尤其是自家製的響玲卷，其實真的想要多一碟，它非常有豆味，不是每一地方都食到咁有豆味及有質素的響玲呢！不過，我們真的太飽，唯有留返下一次再食！