新記雞粥 (已結業)

收工餓餓地又有d唔舒服，食粥就最岩啦路經呢間新記雞粥，唔想再周圍行就一於試下原來呢度除左雞粥之外仲可以自選配料做生滾粥除左粥之外，仲有雲吞麵，腸粉，茶記有既炒粉面飯，仲有小菜食，果然好多元化上餐速度都好快，一陣間就上哂所有野啦首先食左個雲吞麵先，因為驚d麵會淋，麵質唔錯，同埋唔會好重蜆水味，雲吞係用原隻蝦包既，仲有6隻咁多，味道又唔差，$35的確幾抵食之後就試下個海蜇手撕雞，食落去應該係用麻醬撈既，再加左少少辣，味道幾好跟住再食個炸両，外皮幾滑，油炸鬼脆脆地，加埋麻醬同甜醬食一流輪到主打個海鮮粥，粥底好綿，而且仲有蝦，蟹，帶子同魚片，十分足料，幾好食，唔似有落味精仲叫左碟油菜，估唔到咁大碟！另外仲叫左2杯野飲，7喜龍眼冰同埋7喜咸甘桔，龍眼冰有4-5粒龍眼架，而咸柑桔都有成個，而且醃得唔錯總括餐廳選擇夠多，可以符合哂唔同人既口味，價錢唔算貴！