新記雞粥 (筲箕灣道)

营业中

休息中

訓到好晏起身，突然想食粥就出左去食，我地去到個陣已經下午茶，見到餐牌好抵食。及弟粥配炸兩 $42豬什份量多，無羶味，好爽口，粥底綿，唔會水汪汪。炸兩入面油炸鬼脆口，腸粉包住加上甜醬辣醬好好食。生滾貴妃雞粥配豉油王炒麵$55貴妃雞真係唔同d，油香肉質嫩滑，啖啖肉，雞令到個粥底好香甜。豉油王炒麵好脆，炒得乾身好均勻。香脆炸大腸 $52好邪惡，炸得香脆可口。加左醬汁好惹味。紅燒元朗脆皮乳鴿 $65乳鴿外皮香脆，肉質鮮嫩，唔會好鞋，仲好多汁，而且醃得好入味。