樂園魚旦專家 (迎海薈)

营业中

休息中

有時想平平哋簡單食個晚飯就會揀食粉麵，商場呢一間粉麵店幾大，餐廳有好多位，而且坐得幾舒服，如果食粉麵店嚟講真係幾好！見到煲仔麵好似幾吸引，我哋兩個都叫咗嚟食。金牌牛三寶煲仔麵及牛雜煲仔麵。牛三寶有崩沙腩、牛肚、牛筋，份量都幾多，幾抵食！煲仔麵熱辣辣，公仔麵吸晒啲牛腩湯底好夠味！牛雜煲仔麵有牛肚、牛腸、牛肺及牛膀。配料亦都有好多，牛肚夠腍。牛腸洗得幾乾淨，最鍾意就係食牛肺爽爽地。叫返杯凍檸蜜及凍檸茶，食物質素唔錯。