Homy Cafe (已結業)

其實上水都幾多好野食，今次呢間係趕🐷以前食飯時間成日經過都會見門口有人，終於有機會試下，小店舖頭入面位置唔多，有最低消費同用餐有限時，但係佢啲野食又即製即整所以要預10-15分鐘等野食😅計落好似無咩時間慢慢嘆，所以趕🐷決定外賣，出面有個牌寫住「我們一直專注漢堡」🍔咁無理由唔試啦😋.🧡西西里風蒜香海鮮扁意粉 $70有啲泰式既感覺，係越食越辣🌶蒜香好出🧄非常惹味，入面有啲海鮮菇做配菜，好岩趕🐷口味，海鮮有蜆同蝦，兩樣佔兜粉個比例都幾多，蝦質感彈牙🦐雖然蜆就唔算大隻，不過份量取勝. 🧡千島菠蘿芝士豬肉漢堡 $98首先佢個漢堡好大個好足料🤩趕🐷都無辦法一啖咬得晒啲料，塊肉扒好juicy，，唔會好乾好鞋口，個千島醬同塊菠蘿可以令到個漢堡食落無咁漏🍔唔好睇少呢個包，真係食一個都夠晒飽.🧡雞翼拼盤 (10隻) $88相比上面果兩樣野食，咁趕🐷就覺得佢個雞翼有啲遜色，有5隻烤雞翼加5隻炸雞翼，兩樣味道都唔錯，但係無咩特別，而且佢啲炸雞翼全部都係得單骨有啲唔抵🙈