更多
2018-07-14
36 浏览
今日約咗朋友中午喺旺角唱k ,跟住提議去食飯。行下行下,行到去洗衣街就見到有間叫越滿嘅越南菜,就入去坐低睇睇餐牌 ,價錢都好合理!叫左幾款小食同菜式,其中有一款軟殼蟹米紙卷,中間有菜絲沙律同配料,香脆可口有酸甜醬代替沙律醬,夠哂開胃。馬拉盞炒椰菜比炒通菜更勝一籌,非常惹味!河內魚餅裏面有馬蹄粒,好爽甜,跟住朋友仲想再試埋個炸春捲, 呢度嘅春捲炸得好好,金黃色同埋入口又唔會太肥膩。再嚟另一道係最啱我胃口嘅就係咖哩軟殼蟹法包,一般都係用咖哩蟹,但係呢度用軟殼蟹,啖啖肉,配埋個咖哩汁點法包簡直滋味,最後連啲咖哩汁都食到一滴不漏。最後我哋三個人再加埋三杯嘢飲埋單都只係 500 多,可以講係價廉物美,飽到我地郁唔到!
叫左幾款小食同菜式,其中有一款軟殼蟹米紙卷,中間有菜絲沙律同配料,香脆可口有酸甜醬代替沙律醬,夠哂開胃。
馬拉盞炒椰菜比炒通菜更勝一籌,非常惹味!
河內魚餅裏面有馬蹄粒,好爽甜,跟住朋友仲想再試埋個炸春捲, 呢度嘅春捲炸得好好,金黃色同埋入口又唔會太肥膩。
再嚟另一道係最啱我胃口嘅就係咖哩軟殼蟹法包,一般都係用咖哩蟹,但係呢度用軟殼蟹,啖啖肉,配埋個咖哩汁點法包簡直滋味,最後連啲咖哩汁都食到一滴不漏。
最後我哋三個人再加埋三杯嘢飲埋單都只係 500 多,可以講係價廉物美,飽到我地郁唔到!
张贴