影片
相关文章
餐厅内布置越式风格，有D嚟到越南用餐嘅感觉，而且座位阔落，空间感十足。香芽鸡煲用越式呈现嘅鸡煲，煲上有大量香草，香味十足。因为友人唔识得辣，所以叫咗BB辣，但鸡煲都带有香浓嘅惹味。鸡砌得较细，所以更入味，而且肉质香滑。虾饼新鲜滚热辣出炉，炸到十分香脆，而且呈现金黄色，大大旧。咬落超级弹牙，带有虾味用心之用。马拉盏通菜又系越式名菜，通菜新鲜惹味，而且香爽可口。份量都足够四人食用，可谓性价比十足。用餐途中，听到店员讲越南话，有返到去越南既感觉，即刻觉得回哂本一lol
继续阅读
朋友仔系附近返工 话lunch成日帮衬食d越南粉几好食 话佢出左个越式鸡煲叫我同佢去试试店面好多卡通画 都系以越南做主题 另外就以绿色为主 坐得都几舒服😌其他我见到佢个2人餐好似几好 有成3款小食又有粉面又有饮品 不过友人想试个鸡煲就陪陪你啦 反而另外见到佢出左个烧蚝 d口味几特别 就直接搭左12只啦等左10分钟左右就有得食啦 鸡煲上充满紫洋葱同香草等等 一边煮一边好香 好肚饿呀🤣🤣鸡件都好多 佢个汁调得好出色 唔同出面一系好辣 一系好咸 佢系真系几香口 我地都一致认为系暂时食过最好味既鸡煲 因为真系好鬼香 估唔到会系这间越南小店到食到 食到咁上下我地落左个生菜去炒 不过正常应该系会落汤再打边锅 但我地就食唔落了 下次多几个人可以嗌多d 我见都有牛 丸等等可再附加架而个烧蚝 分别有蒜蓉 青柠 同喇沙我地一致认为喇沙系最好味 因为个沙有小小花生带出 变相口感都几有层次而青柠 个样一d都唔饮青柠味 反而好似好多菜系上面咁😂但食落去又神奇地有青柠味架㖞而蒜蓉就不过不失啦 配烧蚝系最正常既配搭 不过黎到越式餐厅🍴相对地喇沙就比较上特别d啦下次要如我所愿试试个2人餐先🤪🤪
继续阅读
见呢间都几多好评,就专诚黎试下装修唔错，座位都坐得舒服呢个时段无咩人就安排咗卡位本身仲谂住二人餐，最后因为唔太饿作罢食完之后真系好彩无叫越满生熟牛肉河加五蚊有得转蕃茄汤底就转咗黎试卖相唔错，亦够大碗，未食前期待都几高食落去就GG了，咸到好似倒泻咗半樽盐落去咁咸味盖过晒所有嘅蕃茄味，连有啲蕃茄碎，食落去都好似俾盐腌过咁牛肉无咩问题，生熟牛都正路，但成碗汤都真系咸，食到一半口都渴埋原来加五蚊系转盐汤底猪颈肉捞檬啱先𠮶碗食前影系因为见卖相唔错仲谂住打卡而呢碗食到一半先影，系因为难食要写负评男朋友话檬粉好淋，一啲都唔爽，食落口好怪我试咗一啖，连猪颈肉都好唔香拿拿林拎手机出黎影番张又一间要blacklist o(x_x)p
继续阅读
等女朋友收工食饭，畀佢reject咗好多间， 最后拣咗食越南嘢，喺门口等咗15分钟左右就入得，本来谂住食个汤河就算， 精明嘅女朋友见到有二人餐，又有小食咁就食二人餐啦。可以拣三款小食， 拣咗鸡翼、鱼饼、牛展。 鸡翼好普通，鱼饼系冻嘅，牛展好干好硬，就好似放咗一日嘅汤渣咁，最重要系冇味。汤可就……生牛河但系啲牛系熟哂嘅？一人一杯野饮， 好彩仲有杯嘢饮湿下口，如果唔系真系食唔落旧牛展。起码佢唔系难食，系个牛展伏咗啲，食饱一餐就算😂应该唔会再食,bye!
继续阅读
见好耐冇食越南野，今日喺旺角上完瑜伽去咗试e间。叫咗菠萝猪颈肉炒饭、生牛肉汤河，同埋炒芥兰苗。上菜比较慢，大概等左20分钟，先至上第一味菠萝猪颈肉炒饭，卖相好得：猪颈肉烧到金黄色，而且热辣辣，但啲饭只是微䁔，同埋个心有啲硬，好似煮唔熟咁。👎🏻生牛肉汤河d牛肉比较un, d汤完全冇牛味，唯一可取嘅系d粉切得好幼细。至于炒芥兰苗，又老又唔熟，如果未试过食半生熟芥兰嘅朋友仔可以试吓叫，不过我哋就食净左大半碟👎🏻👎🏻👎🏻7:15pm到，本来好好奇点解啲d枱得一半满，食到一半疑团已经完全解开。
继续阅读