影片
更多
2017-12-18
83 浏览
旺角大把嘢食，但今次搵食搵到間新開嘅越南餐廳，裝修別緻，餐廳細細但食物同服務質素都幾好。由於係新開關係，落單後難免要等等（我見後面有檯食客漏單好躁底），但其實呢度店員態度友善，比著係我就嬲唔落了，哈哈。天氣凍凍地，叫碗湯河食就最暖胃。越滿和牛湯河（$118）一碗大大碗湯河，材料又夠多，一碗有齊日本和牛、澳洲和牛、和牛牛舌、美國牛小排同牛丸；湯底清甜，和牛肉味當然比一般肥牛正好多啦，牛丸都唔錯，咬落juicy，仲有少少咬口（似係有牛筋），好食！澳洲和牛湯河（$88）細食者可以叫呢碗，細碗少少，但和牛肉一樣落得好足！牛油雞翼（$30）雞翼新鮮即炸，落多少少蒜蓉牛油會更正！軟殼蟹米紙卷（$48）米紙卷煙煙靭靭，軟殼蟹脆脆地，仲有蔬菜做餡，清新健康嘅一道小食！鹹檸蘇打（原價$32，跟河粉價$16）飲品半價冇理由唔叫啦！
由於係新開關係，落單後難免要等等（我見後面有檯食客漏單好躁底），但其實呢度店員態度友善，比著係我就嬲唔落了，哈哈。
天氣凍凍地，叫碗湯河食就最暖胃。
越滿和牛湯河（$118）
一碗大大碗湯河，材料又夠多，一碗有齊日本和牛、澳洲和牛、和牛牛舌、美國牛小排同牛丸；湯底清甜，和牛肉味當然比一般肥牛正好多啦，牛丸都唔錯，咬落juicy，仲有少少咬口（似係有牛筋），好食！
澳洲和牛湯河（$88）
細食者可以叫呢碗，細碗少少，但和牛肉一樣落得好足！
牛油雞翼（$30）
雞翼新鮮即炸，落多少少蒜蓉牛油會更正！
軟殼蟹米紙卷（$48）
米紙卷煙煙靭靭，軟殼蟹脆脆地，仲有蔬菜做餡，清新健康嘅一道小食！
鹹檸蘇打（原價$32，跟河粉價$16）
飲品半價冇理由唔叫啦！
张贴
