越滿 (已結業)

兩個人行街行到攰攰地入左間食越南野嘅餐廳，又唔想諗食乜，見二人套餐都幾啱食就篤左個二人套餐$198。套餐包括左一份小食拼盤、兩碗河粉、一碟炒菜及兩杯飲品。小食拼盤五款選三款，當中我就㨂左扎肉、越式春卷、牛油雞翼。牛油雞翼新鮮熱辣辣脹卜卜好好味，春卷都脆，仲有好新鮮嘅生菜包住食，扎肉正常嘅。兩碗河粉我㨂左一碗生牛肉湯河，一碗雞絲湯河，味道不錯。炒芥蘭苗好嫩，上面灑上炸蒜，好香蒜味。我另外點了個炸蝦餅$38，因為蝦餅係我最愛，忍唔住就點了😆，味道都可以，不過得三片我會唔夠喉😂。這個鹹梅梳打幾特別，真係好正呀，有兩粒好夠鹹嘅鹹梅，加埋梳打好消暑。