Le Viet (已結業)

疫情底下，搵間寬敞啲嘅餐廳食飯，感覺好似安心啲，呢度係我同同事其中一個指定飯堂。夠闊落，坐得又舒服。第一次食佢嘅海南雞飯，碗油飯好香，仲好似食到少少薑味，雞夠嫩夠滑，啖啖肉，好滿足。另外仲叫咗個菠蘿焗飯，好大的一個，一個人應該食唔晒！而且好足料，蝦好新鮮，又勁多菠蘿，啖啖都有料。想額外一提佢杯齋啡，一間普通餐廳來講，佢杯咖啡係好濃好香，有驚喜！最後就想講吓呢條烏頭，已經係我哋第二次食！每一次食都覺得條魚好新鮮，一啲都唔霉！而且醬汁好加分，少少酸酸辣辣，好開胃。