The Beef & Leaf (已結業)

今日黎到旺中發現，呢到愈開愈多美食店啦。呢間美食店仲要係陳柏宇同趙勁皓聯合開架，勁係要試試啦。今日揀左"牛葉流心半熟蛋饅頭"，師父係塊牛中間開個窿放隻生雞蛋落去煎再加芝士，哇真係不得了。食落饅頭微暖鬆軟，漢堡超重牛味超香，面頭嘅芝士加埋半熟雞蛋超juicy，讚。但立食嘅地方就唔多，只可以容納四至五個人。另外，店員態度幾好，會問下覺得味道如何，會同你講如果好食就介紹比朋友仔知啦。今次因爲係一早係第二間店買左野飲所以試唔到牛葉飲品，下次試下先。