小胖台灣便當 (偉華中心)

营业中

休息中

唔好睇小胖台式便當價錢咁抵食，每款便當都唔細份㗎，除咗主菜，一樣有齊蛋、肉丸、粟米、粉絲同菜！喺門口落完單就會有牌仔等店員送嚟，都好方便～.➜紅燒牛頰肉朋友揀咗紅燒牛頰肉便當，牛頰肉好嫩好軟腍，食落有微微辣，飯量唔算多，但肉就好夠！.➜三杯蜜汁烤雞排豬太郎就鍾意蜜汁烤雞排，食落甜甜哋，雞排皮脆脆哋仲有啲焦香味𠻹！啲雞肉仲好滑好多汁，大推！.➜虎咬豬刈包見到有嚿肥豬腩以為會好膩，但夾埋酸菜芫茜又唔會噃，中間仲有啲花生碎𠻹！.跟餐仲會送埋支冷泡茶，我哋揀咗梔子花綠茶同芙香蘋果茶，食完一大份飯飲返啖清清哋嘅冷泡茶就啱啱好啦！.#msmessypig