有蒸氣 海鮮石鍋專門店 (已結業)

最近生飛滋，想食清淡啲。去左有蒸氣石鍋食海鮮餐。二人每位$328尖沙咀區閒閒地都7，8百2位，呢區黎講算抵食。黑松露蒸蛋，即蒸即食，火喉超嫩滑。好香黑松露味。鑽石蜆同沙包蜆 沙包蜆 好清甜，隻隻新鮮。 鑽石蜆有雪白色同嫩粉紅色嘅肉。佢個肚仔漲卜卜，入面有飽滿既鮮甜蜆汁，又濃郁，又清甜，又鮮味，係幸福既味道!大連鮑魚餐廳預先清理乾淨內贓。鮑魚肉色水雪白，肉質爽彈，火喉剛好，嫩滑甜鮮。日本元貝手掌咁大既日本元貝好鮮嫩多汁。清蒸美國桶蠔 桶蠔好巨型，肚仔好飽滿，口感肥美。濃郁既蠔香。薑蔥蒸鮮魷好新鮮。 手剁豬肉丸及墨魚丸 餐廳師傅自己手剁既豬肉丸及墨魚丸 墨魚丸超級彈牙，墨魚味勁濃，好鮮味。梅菜豬肉丸好香梅菜香味。肉質紮實，腍滑彈牙金銀蒜蒸勝瓜味道清新。每位$328 (2位起) 粥底：南瓜+雞最後個粥底超級甜。南瓜既甜蜜加埋鮮雞既香，同埋所有海鮮既"日月精華"，令成個粥底有海鮮既清甜，又有雞味肉汁。成餐款款海鮮都勁新鮮。勁清甜，成餐我一滴鼓油都無點過XD餐廳男女侍應個個都服務殷勤。你知啦，食海鮮一陣間就成台殼，佢地都清理都好快，滿分。