影片
更多
2018-12-04
806 浏览
博文街呢度真係好多野食吓，竟然開左間日本餐廳，仲要主打高檔野 omakase，若非好友食完極力推薦，真係好難會搵到嚟。為重要人物慶生，哈，當然要大破慳囊。數一數，原來食左二十樣野，揀左部份嚟介紹。【烏魚白子】白子即係精囊，口感綿密，聽講有滋補養顏之效。 即刻吞左，相都唔記得影😂【蜜柑鯛】 食蜜柑長大嘅鯛魚，有淡淡清甜味，當然係貴價上品。【北海道珍寶牡丹蝦】 蝦肉膠質好重，亦夠鮮甜。 蝦頭有蝦膏，當然唔可以放過。【金線魚刺身】 用昆布醃製，更加帶出魚嘅鮮味。【拖羅大葉卷】呢個係我最愛嘅一道菜，脆脆嘅紫菜，肥美嘅拖羅，仲有清新獨特嘅新鮮大葉，超正！【秋刀魚刺身】 排到靚靚，配搭特製醬油，味道好夾。【海鼠】 即係海蔘，口感Q彈又爽口。鮟鱇魚十一月係當造期，【鮟鱇魚肝】當然係當造美食。 香軟綿滑，而且第一次食到暖嘅鮟鱇魚肝，味道更佳。【富貴杯】其實係一個迷你丼，點解叫富貴？ 面頭有金箔架！ 幾層嘅馬糞海膽，配搭沖繩海葡萄、蔥吞拿魚腩，仲有香港好少食到嘅sujiko生筋子(即係保留成個卵巢膜嘅成串三文魚籽)，味道比三文魚籽更鮮甜架。【燒秋刀魚大葉卷】 魚味夠出，仲要中間有大葉，散發出一種清新而獨
為重要人物慶生，哈，當然要大破慳囊。
數一數，原來食左二十樣野，揀左部份嚟介紹。
【烏魚白子】白子即係精囊，口感綿密，聽講有滋補養顏之效。 即刻吞左，相都唔記得影😂
【蜜柑鯛】 食蜜柑長大嘅鯛魚，有淡淡清甜味，當然係貴價上品。
【北海道珍寶牡丹蝦】 蝦肉膠質好重，亦夠鮮甜。 蝦頭有蝦膏，當然唔可以放過。
【金線魚刺身】 用昆布醃製，更加帶出魚嘅鮮味。
【拖羅大葉卷】呢個係我最愛嘅一道菜，脆脆嘅紫菜，肥美嘅拖羅，仲有清新獨特嘅新鮮大葉，超正！
【秋刀魚刺身】 排到靚靚，配搭特製醬油，味道好夾。
【海鼠】 即係海蔘，口感Q彈又爽口。
鮟鱇魚十一月係當造期，【鮟鱇魚肝】當然係當造美食。 香軟綿滑，而且第一次食到暖嘅鮟鱇魚肝，味道更佳。
【富貴杯】其實係一個迷你丼，點解叫富貴？ 面頭有金箔架！ 幾層嘅馬糞海膽，配搭沖繩海葡萄、蔥吞拿魚腩，仲有香港好少食到嘅sujiko生筋子(即係保留成個卵巢膜嘅成串三文魚籽)，味道比三文魚籽更鮮甜架。
【燒秋刀魚大葉卷】 魚味夠出，仲要中間有大葉，散發出一種清新而獨特嘅香味，正！
呢碗【魚湯】係集合晒所有魚頭魚骨嘅精華，超濃魚香味，但就咸左少少。
最後係【北海道赤肉蜜瓜】，日本生果，梗係正啦，清甜爽脆，好想要多份添！
服務超好，用料上盛，但坐位唔多，一定要訂位先呀！
张贴
