和牛燒肉‧純 (已搬遷) 新店位置

因為疫情關係，冇機會飛去日本食燒肉。正值星期五晚，決定嚟呢一間餐廳來一趟回到日本既味蕾之旅！👍🏻特選日本產和牛高級盛盒⭐️特選日本產和牛肉眼呢個價值$560 ，但係真係超級超級好食。入口即溶，牛脂豐盛，雪花條紋好靚。食落油滋滋但配上一口米飯，點上適量檸檬汁絕對可以減少份油膩！⭐️日本產和牛上牛扒肉/日本產和牛牛扒肉雖然兩個都係牛扒肉，但係無論肉質或者口感都會有些少唔同。上牛扒肉肉質淋軟，有入口即溶之感，油脂雪花比較多。另一款就帶有嚼勁，牛味重啲！⭐️壺漬牛胸外腹腌料味道唔會蓋過牛嘅鮮香，厚厚嘅一嚿肉，所以店員叫我哋燒到半熟，就用鉸剪剪細。肉質比較實淨，但肉質依然易咬。壺裡仲有少量嘅蔬菜：洋蔥、粟米、冬菇、紅椒、黃椒等等！不過由於有汁嘅關係，燒嘅時候會比較容易燶啊～⭐️牛舌薄切，但係完全不失口感，非常爽口，而且容易做到網燒效果，油脂都好夠，可以點上配備嘅檸檬同餐桌上既黑胡椒去燒！服務超級好，餐前有毛巾抹手，餐後亦都有毛巾！