影片
更多
2021-11-22
42 浏览
自從旺角T.O.P開張之後，發現有好多特色小店。上次試左一間多國菜餐廳，今日就決定食韓燒😍😍一坐低店員就拎左好多款泡菜比我地，其中我最推薦係辣味蟹仔，脆卜卜又帶少少辣味，好開胃。傳統泡菜都一樣好出色，蔬菜新鮮，吸收香濃既醬料，非常入味。我地點左擔擔味噌茄子🍆雖然我平時唔特別中意食茄子，但見網上好多人推薦，就決定試下！果然冇令人失望，茄子吸左味噌既味道，更突出茄子既香味，我地放落爐上燒一燒，加熱左味道更佳。汁燒豬皮都好難忘❤️因為店員見我地燒到手忙腳亂，就走過黎親自幫我地燒💕好貼心呀！岩岩燒好既豬皮熱辣辣，而且好彈牙有咬口，索左汁燒既豬皮特別好味。一碟有3-4塊，建議同朋友分享，份量就岩岩好。重頭戲黎啦！肉類方面我地叫左方切和牛同韓牛肋眼上蓋。肉類既賣相好精緻，一塊一塊好整齊地放係碟上面。牛肉既脂肪比例好平均，食落去好juicy，而且牛肉味重。自己燒可以控制幾成熟，燒到5-6成熟岩岩好👍🏻不得不提既係大墨魚！墨魚好新鮮，店員建議我地點少少鹽食，就唔會蓋住墨魚既鮮味，果然只加鹽，唔使其他調味，完全突出到墨魚既鮮味，好正！墨魚份量都好大，建議2-3人分享。我地仲叫左韓牛石鍋飯，上菜時牛肉同雞蛋
一坐低店員就拎左好多款泡菜比我地，其中我最推薦係辣味蟹仔，脆卜卜又帶少少辣味，好開胃。傳統泡菜都一樣好出色，蔬菜新鮮，吸收香濃既醬料，非常入味。
我地點左擔擔味噌茄子🍆雖然我平時唔特別中意食茄子，但見網上好多人推薦，就決定試下！果然冇令人失望，茄子吸左味噌既味道，更突出茄子既香味，我地放落爐上燒一燒，加熱左味道更佳。
汁燒豬皮都好難忘❤️因為店員見我地燒到手忙腳亂，就走過黎親自幫我地燒💕好貼心呀！岩岩燒好既豬皮熱辣辣，而且好彈牙有咬口，索左汁燒既豬皮特別好味。一碟有3-4塊，建議同朋友分享，份量就岩岩好。
重頭戲黎啦！肉類方面我地叫左方切和牛同韓牛肋眼上蓋。肉類既賣相好精緻，一塊一塊好整齊地放係碟上面。牛肉既脂肪比例好平均，食落去好juicy，而且牛肉味重。自己燒可以控制幾成熟，燒到5-6成熟岩岩好👍🏻
不得不提既係大墨魚！墨魚好新鮮，店員建議我地點少少鹽食，就唔會蓋住墨魚既鮮味，果然只加鹽，唔使其他調味，完全突出到墨魚既鮮味，好正！墨魚份量都好大，建議2-3人分享。
我地仲叫左韓牛石鍋飯，上菜時牛肉同雞蛋係生既，靠石鍋既熱力煮熟。如果中意食飯焦就唔使頻密地播拌，下面就有脆脆既飯焦。石鍋飯既配料好足，有好多塊牛肉。味道方面，個人特別中意佢既醬汁，唔會太重味太鹹。
张贴
