夢の丼 (已結業)

自從屯馬線開通後，都會想發掘新餐廳覓食，今次去到宋皇台站土瓜灣呢個地方，地鐵站一岀行五分鐘左右就發現呢間專食日本丼飯既餐廳。入面裝修幾有日本風以木系為主，同有刺身吧台。當然要試試佢店主打既丼飯，要左一個推介必點既夢之丼，佢有三文魚、牡丹蝦、左口魚邊、海膽、松業蟹，喜愛日本刺身既可以一次過食哂咁多款，超正，岩哂選擇困難症既人。特別之處佢會跟配鮮橙汁醋，淋上丼飯，酸酸甜甜令整體味道昇華，好清新。每款刺身都好新鮮，仲要大大舊，超足料。另外又點了花錦魚生丼，呢款超多厚切魚生，好高質，日本直送。另外我地都要左牡丹蝦刺身，鮑魚同磯燒帆立貝，鐘意食海鮮既必點，好有驚喜，無論刺身都熟食都好高質，估唔到土瓜灣都會有咁正既日本丼飯，超級推介！