影片
港铁土瓜湾站B出口, 步行约6分钟
继续阅读
开饭介绍
店内装潢走日式简洁风格，主打各款创意海鲜丼饭，所有刺身皆由日本鱼市场新鲜直送。店内亦供应熟食的丼饭及串烧等。
继续阅读
营业时间
*最后落单时间: 21:30
星期一至日
11:00 - 15:00
18:00 - 22:00
以上资料只供参考，请与餐厅确认详情
今日放假前夕晏昼过左黎食日本野！有个lunch set都几抵A+B$98要加一可以简2个迷你丼/迷你乌冬/刺身我叫左A1+B1和风牛肉丼+刺身4点牛肉丼完全唔hea，面头仲有蒜粒！刺身就好新鲜😋😋😋非常抵食
继续阅读
放工同朋友一齐食野，去左土瓜湾，上网睇到都好多好评，试下先～一黎试下佢个面豉汤已经有惊喜，佢有虾油既味！好香，搞到我对佢既野食已经好大期望！我地坐对住佢整野食既地方，我觉得OPEN KITCHEN好好，又卫生。平日既晚上都满坐！先上既系佢既梦の丼，配料包括帆立贝、牡丹虾、海胆、烧三文鱼蓉、松叶蟹、三文鱼子、左口鱼边等。所有野都好新鲜，仲有配埋佢个醋，小小一啖，再配佢既海鲜，very good!另外我地叫左花锦鱼生丼，有三文鱼、白身鱼、赤虾、左口鱼边、金蟹子、三文鱼子、樱花虾、蟹膏、豆腐、松叶蟹、蚬肉、玉子等，系劲丰富，每一啖都好满足！小食我地叫左蟹皇酱烧蟹膏豆腐，呢个真系劲惊喜，一定系日本靓豆腐，好香浓，呢个系一定一定要叫。慢煮鲍鱼配肝酱，正！大大粒带子，正！
继续阅读
以前屯马线未开通，黎土瓜湾有啲复杂，不过开通之后与油尖旺都只系几个站之距，过黎食野都算方便。此梦之丼离土瓜湾B出口约5分钟路程。Typical嘅日式居酒屋装修风格，整体而言，刺身/水产新鲜，质素甚佳。奉送沙律及面豉汤，沙律都系简单以罗马生菜及粟米加胡麻沙律酱。花锦鱼生丼 ($188): 鱼生包括三文鱼、白身鱼、赤虾、右口鱼边、金蟹籽、三文鱼籽、樱花虾、蟹膏豆腐、松叶蟹、蚬肉、玉子渍、甜蛋，以及青瓜。非常丰富嘅一个丼饭，鱼生均切成粒状，每一口都包括数款材料，味道层次都几丰富。鱼生普遍新鲜，例如赤虾晶莹剔透，爽滑弹牙；右口鱼边入口即化；松叶蟹肉鲜甜美味。梦之丼 (298): 本店招牌梦之丼饭嘅刺身鱼生分别有三文鱼蓉、三文鱼籽、帆立贝、牡丹虾、海胆、松叶蟹，以及右口鱼边。食材比花锦鱼生丼稍微升级，海胆creamy奶滑，味道鲜甜；帆立贝嫩滑清甜；三文鱼籽粒粒饱满，鲜而不腥；松叶蟹、牡丹虾，以及右口鱼边与鱼生丼一样，但牡丹虾系原只上，并无切粒。另外单点左几款前菜/刺身/寿司，估唔到仲咁有心机帮我地摆埋盘......蟹皇酱烧蟹膏豆腐 ($48): 质感幼滑，但唔会一夹就散，味道方面，豆酱酿入左非常鲜香嘅蟹膏，颇有特色。左口鱼边寿司 ($96): 左口鱼鱼油丰富，经微微火炙后把鱼油逼出，食起上黎更香，且入口即化。赤贝刺身 ($58): 爽滑弹牙，带微微咸香。深海池鱼刺身 ($78): 深海池鱼肉质肥美鲜嫩，鱼油甘香细腻，食Omakase普遍都有佢嘅踪影。
继续阅读
右口鱼边寿司($48/件)，右口鱼选用左最靓既部位，因为有入口即溶感觉，就好似东坡肉既果层肥膏一样入口溶化，不过鱼生当然唔似东坡肉咁肥腻。慢煮鲍鱼配肝酱($68)，鲍鱼肉质结实，而且亦带有弹牙口感，味道方面肝酱既咸味衬托住清淡既鲍鱼，两者味道好夹。牡丹虾($68/只) / 矶烧北海道珍宝帆立贝($68) / 金线鲷刺身($68)，牡丹虾鲜味十足，越有黏牙感觉代表越新鲜，帆立贝烧至表面半焦状态，外层薄薄一层焦香，内里肉质软“林”，用紫菜包住食增加脆口，金线鲷切得够薄，一口一片，鲜味充斥在口腔内。花锦鱼生丼($188)，采用左十三款材料，切成丝状和条状合成既一碗丼饭，材料确实好多，绝对系诚意之作，每一口都食到唔同既食材，仲有蛋黄汁用黎拌饭一流。梦之丼($298)，虽然只有7款材料，但系选用左较贵既食材气派十足，刺身帆立贝好鲜甜，滑溜溜而且好大粒，海胆入口充斥住口腔，加上冇苦涩味，同样有即溶既右口鱼和黏牙既牡丹虾，同埋已经去除左壳既松叶蟹丝。
继续阅读
好惊喜，好惊喜！今次又喺土瓜湾揾到有质素，而且难忘嘅日本小餐厅🥳最钟意去一啲又有好味熟食，又有新鲜鱼生嘅日本餐厅食嘢今次呢一间真系做得到！食物质素非常高，蟹膏豆腐真系100分鱼生饭有好多选择，足料又抵食，最紧要系有鱼生𠮶种新鲜嘅甜味，所以冇话要推介边一种啦，整体来讲我哋试咗几款都好好食，详细可以睇睇附录嘅相片全部都系厚切！！！即使系鱼生饭嘅角切鱼生都系厚嘅，仲要有好多好多款好多好多粒食物质素高，故知然不在话下啦，佢仲要系有晚市定食套餐添啊 食个taro鱼生饭再加安格斯牛都系188仲有追加小食，好可惜我哋今次为咗想试佢𠮶啲经典丼饭，无试到呢个set。不过都完全唔后悔呀，因为佢个花锦鱼生丼同埋梦の丼食到我同朋友都哗哗声，花锦鱼生丼个蛋黄好正，糖心配埋啲鱼生嘅鲜甜，简直系升华左好味度一倍! 梦の丼嘅海胆同蟹肉都超好食! 因为唔系咁多日本餐厅有呢两样鱼生配料，佢有配埋一个橙味嘅果醋，个人觉得就酸咗少少，不过完全系诚意嘅配搭，未见过鱼生饭可以做到咁有心思
继续阅读