影片
更多
2017-11-26
174 浏览
餐廳有獨立包廂可以坐2-4人，私隱度高，而且坐得好舒服。雪魚白子 白子係魚既精巢，日本人視為補品，白子質感柔滑，完全沒有腥味，食完口中有一種鮮味。而且個醬汁酸味適中，檸檬酸香 ，同白子好夾。日本真蠔店員介紹真蠔蠔味唔濃，重點在於蠔既鮮味。一食落去果然係鮮味十足，非常新鮮，而且帶有點點甜味， 醬汁亦非常配合真蠔，突出左蠔既鮮味。沙律沙律個樣看似簡單，但蔬菜既質素極高，尤是是個蕃茄，原本係日本蕃茄，甜味比酸味多，味道清甜中帶少少酸。刺身有赤貝、深海池魚，左口魚同中拖羅。整體既質素極高，而且超級新鮮。赤貝爽脆清甜，食完有回甘。深海池魚肉爽肥美，魚味濃郁。中拖羅油脂豐富，入口溶化，鮮味係口中慢慢散發。薄切左口魚超彈牙，越咬越濃味，另外有個酸汁配左口食，提升左魚生既鮮味。浦燒鰻魚係我係香港食過最好食既鰻魚，一上菜已超香，一咬落去就不得了，一向鰻魚都係軟林既，但依個鰻魚外層超脆，魚皮都超脆，脆都好似炸左咁，但魚肉軟林，肉質肥美味香。而且有微咸的醬汁突出魚香，真係好好食。個底部有海草去一去油膩。店員好細心，怕我凍，留心地送上熱茶網燒西冷牛排牛排肥美，燒得勁香口，蒜片炸到好脆，連埋牛排食好正，牛排外層
餐廳有獨立包廂可以坐2-4人，私隱度高，而且坐得好舒服。
雪魚白子
白子係魚既精巢，日本人視為補品，白子質感柔滑，完全沒有腥味，食完口中有一種鮮味。而且個醬汁酸味適中，檸檬酸香 ，同白子好夾。
日本真蠔
店員介紹真蠔蠔味唔濃，重點在於蠔既鮮味。一食落去果然係鮮味十足，非常新鮮，而且帶有點點甜味， 醬汁亦非常配合真蠔，突出左蠔既鮮味。
沙律
沙律個樣看似簡單，但蔬菜既質素極高，尤是是個蕃茄，原本係日本蕃茄，甜味比酸味多，味道清甜中帶少少酸。
刺身
有赤貝、深海池魚，左口魚同中拖羅。整體既質素極高，而且超級新鮮。
赤貝爽脆清甜，食完有回甘。深海池魚肉爽肥美，魚味濃郁。中拖羅油脂豐富，入口溶化，鮮味係口中慢慢散發。
薄切左口魚超彈牙，越咬越濃味，另外有個酸汁配左口食，提升左魚生既鮮味。
浦燒鰻魚
係我係香港食過最好食既鰻魚，一上菜已超香，一咬落去就不得了，一向鰻魚都係軟林既，但依個鰻魚外層超脆，魚皮都超脆，脆都好似炸左咁，但魚肉軟林，肉質肥美味香。而且有微咸的醬汁突出魚香，真係好好食。個底部有海草去一去油膩。
店員好細心，怕我凍，留心地送上熱茶
網燒西冷牛排
牛排肥美，燒得勁香口，蒜片炸到好脆，連埋牛排食好正，牛排外層掃上左日式醬汁，除左牛肉本身既味道外，醬汁同黑椒味都好配合。
天婦羅
估唔到有炸大蔥，炸左既大蔥仲好多汁，非常惹味。炸魚都係驚喜，魚肉超甜又多汁。炸蝦既蝦超大隻，唔係空氣炸蝦，蝦肉鮮味彈牙。
魚湯稻庭烏冬
奶白既魚湯真係好吸引，魚湯完全冇腥味，有超濃超香既魚鮮味，真係好正，淨係飲個湯都好正，而且有香蔥同香菇襯托魚湯，香落吸左湯味，好好食！稻庭麵彈烏冬又彈又滑，好正！
豆腐雪糕
雪糕夠哂滑，又有陣陣豆腐既香甜味，十分 清新！
张贴
