嵐月 (AIRSIDE)

营业中

休息中

今次嚟到啟德一間好有feel嘅中菜館，佢成個環境裝修得好靚，門口海鮮缸有水族館嘅感覺，非常高雅。食物擺盤靚之餘食材都好高質。🌟滕椒酸湯虎蝦球食落感覺似川菜，佢嘅虎蝦鮮嫩彈牙，而且超大隻，食落去好香滕椒嘅味道，加上有少少酸味，好開胃。🌟茶燻鴨(半隻）就咁聞落已經覺得好香，佢嘅皮好香脆，外脆內軟，識落有少少似燒鴨胸，肉質鮮嫩，鴨嘅香味一直喺個口徘徊。🌟嵐月西斑牙黑豚叉燒(例)黑豚叉燒肥瘦啱啱好，油脂非常香，用蜜汁去燒，烤得好均勻。🌟松茸海膽越光米成個飯係用咗海膽同埋雞湯去煮，所以好香濃。加上佢嘅份量其實都幾多，食落去每一啖都係精華，松茸味道令人回味無窮。