湯煲私房火鍋 (已結業)

如果唔係朋友帶路，真係唔知有間咁正嘅火鍋，果然係私房菜，超正嘅私房火鍋🍲。所有有飲品、湯底、火鍋食材全部都係自家製，絕對唔係外來貨，非常有誠意。椰子雞鍋底，湯底清甜，材料豐盛，淨係食半隻雞已經飽咗一半啊。而且雞肉非常之嫩滑，椰子味清香突出。一定要試呢一度獨有嘅竹笙帶子手打丸，爽口彈牙之餘，仲有竹苼脆脆嘅口感，又特別又好食。另外餃子絕對係皮薄餡靚，餡料多而且裏面仲有不少於兩隻蝦呢。炸魚皮一叫即炸，亦都係另外一個必吃推介。