家賀屋

今日同朋友嚟銅鑼灣食好啲嘅日本菜，網上好多人推介呢間家賀屋，食材新鮮，高質性價比高嘅日本菜！餐廳環境舒適，座位闊落，格調高級，好適合同朋友嚟敘舊，傾吓偈。我哋嗌咗個浅瀬本赤身丼定食、極丼-月見海膽 三文魚籽 本鮪魚腩蓉、同埋特選鮪盛，全部都好高水準，好似去咗日本魚市場食新鮮魚生一樣！浅瀬本赤身丼定食選用新鮮吞拿魚，鮮紅肉色，非常新鮮，而且仲係厚切，都幾抵食，配埋吞拿魚蓉送飯好夾，最正嘅係連飯都係用特定嘅醋混合而成，非常有心思！極丼都一樣，新鮮嘅海膽配吞拿魚蓉，再加埋三文魚籽同埋生雞蛋，撈飯真係一流，令人食唔停口！極力推薦特選鮪盛，因為真係幾抵食，特別係大本鮪魚腩，油脂分布均勻，入口啲魚有好似湧出嚟咁，超級淋，入口即溶，同喺日本魚市場新鮮食嘅壽司一模一樣！