鍋卷鳴門 (已結業)

越食越嘴刁嘅小編今次喺旺角通菜街 發現到一間日式海鮮火鍋放題餐廳， 放題嚟講呢度嘅海鮮真係非常高質， 種類繁多， 驟眼喺魚缸見到嘅油有手掌size嘅 鮑魚、 瀨尿蝦、 紮紮跳大蝦 、東風螺、 蜆等等， 自己食邊樣夾邊樣， 成個過程非常過癮， 未開始食已經好開心😂 慶祝關係今次食豪啲，叫左90分鐘下忍之卷，盛惠$468/位， 掃QR code自己落單， 食物種類選擇超多🤤🤤，有澳洲牛板腱、美國牛小排、熊本豚肉、厚切刺身、海鮮熱盤、日式小食等等， 甜品櫃仲有超過十款嘅雪糕雪條， 飲品方面亦都好有誠意， 汽水係用懷舊樽裝， 飲落去特別舒暢， 唔夠喉仲可以整返杯 自斟手工生啤😁😁必食推薦( 😋好味指數90分以上) 澳洲牛板腱: 每一片砌得好均勻, 每一個橫切面都見到牛肉雪花比例分佈平均， 未食已經知道好味( 除非畀同行豬隊友食曬😜)， 食落真係唔好講笑，encore左幾輪， 一放落口牛肉汁多到爆出嚟， 牛肉好嫩滑唔起筋。東風螺: 非常鮮甜彈牙到一個極點， 一個唔覺意就食咗十幾粒， 牙籤撩下好過癮， 記住注意白烚嘅時間唔好太耐保持肉質鮮嫩。清酒煮蜆: 通常曬完啲蜆肉會跌曬落鍋底好難搵得返😂) 所