一寿司 (已結業)

好多朋友仔都話一寿司黑夜時段抵食，之前買左YAHOO!團購， $30當$60用, 但黑夜時段唔用得，就約左同事一齊去食LUNCH1點15分左右到，已經見到有5-6個人等緊位，不過KEEP住有人走，所以好快就入得。店內有個大魚缸，卡位比回轉壽司帶既位多，同平時既壽司舖唔同。LUNCH有3款選擇，$59-79，包一杯飲品。由於有圑購，即係每人可減30蚊，叫左最豐富既$79餐，選了胡麻鯛魚沙律,金芝麻鰻魚卷跟極上刺身丼。胡麻鯛魚沙律上面既胡麻醬好香好好味，鯛魚係厚切既，下面既沙律菜好新鮮金芝麻鰻魚卷好食，鰻魚肥美極上刺身丼，好大碗，有海膽、三文魚、甜蝦、八爪魚、帆立貝、鱆紅魚、北寄貝、蟹肉、玉子同埋蔥金槍魚腩。海膽雖然細細粒但好新鮮，其他刺身都新鮮好食。餐飲個杯好高身，同事話係咪我地生得矮所以飲得咁辛苦?!?! 成完成倨餐好飽好滿足