極品靚鍋 (已結業)

幾日天氣真係凍到震，食火鍋真係不二之選。大鴻輝出名多火鍋店，原來最近又新開左一間，於是今日放假就過咗嚟食午市火鍋放題。呢度座位寬敞，坐得好舒服。一入座職員好有禮貌咁介紹湯底，一共有12款可以揀，其中有四款湯底係推介，特別嘅係呢四款可以先飲湯後打火鍋。今次揀咗兩款，包括極品桂圓杞子黑棗靚鍋同埋海底椰雪耳竹絲雞滋潤鍋，兩個火鍋湯底都好鮮甜，夠晒濃好似飲緊老火湯咁，好滋潤材料亦都好足夠，有好多紅棗黑棗同雪耳。呢度點餐係用手機掃QR code，必食日本A5和牛，一大塊咁上枱，油脂豐富均勻，食落去真係入口即溶，食多幾塊真係回曬本！另外牛肉仲有美國choice 牛板腱同美國prime封門柳，兩隻都好高質，餐廳仲好貼心咁放咗個牌，提示最佳煮嘅時間係5秒，以免煮過龍。另外亦不得不提呢度d豬肉片，有日本黑豚肉片及極品黑毛豬梅肉片，個人偏好前者，切得好薄身，肥瘦均勻，跟足指示煮7秒，又係入口即溶，食多幾片都唔夠喉！飲品方面都有好多選擇，飲嘅一定係自家煲嘅滋潤飲品，好似馬蹄竹蔗茅根同冰糖雪梨茶，啱晒而家咁乾燥同寒冷嘅天氣飲。另外仲有好多款自製嘅冷泡茶，好特別，我試咗玫瑰烏龍冷泡茶，飲落去有一陣陣玫瑰同烏龍嘅