影片
更多
2009-12-29
48 浏览
富記飯店有三個缺點：難食，貴，服務差係樓下見到多款$10小食，但上到去，可能係我觀察力太弱，搵勻成個餐牌，真係搵唔到喎，最平都$18。比人昆左上來，但心諗唔緊要，睇下好唔好食再講。嗌左四樣野：酸辣鳳爪（＄18）：細碟，唔辣，唔稔，唔爽。我都唔明，現成野都可以咁差。令我想起長長沙灣松記隔離間泰式鳳爪，好食過呢碟十倍。豬頸肉（＄18）：女朋友話，從來無食過咁難食既豬頸肉。嗯，真係幾難食，有陣怪味。花蟹粥（＄22）：D蟹肉梅既，但去到呢個時候，你還能有期望嗎？個粥底其實唔錯，如果你唔介意食味精的話。雞絲粉皮（＄22）：我真係好唔明，呢度既雞絲粉皮都只不過係一堆現成既材料加埋，淋D麻醬係上面姐，都可以整得咁難食...連D麻醬既味都唔好食。四碟野加埋＄80，仲有茶錢＄10同加一＄9，咁樣收多我廿蚊....慘過比人打劫。到左最後，埋單＄99，個伙記收左我一百蚊無找錢，我比唔比貼士係我既事，你無論如何都唔可以假設我一定會比果一蚊貼士！食餐咁既垃圾收我一百蚊？
富記飯店有三個缺點：難食，貴，服務差
係樓下見到多款$10小食，但上到去，可能係我觀察力太弱，搵勻成個餐牌，真係搵唔到喎，最平都$18。比人昆左上來，但心諗唔緊要，睇下好唔好食再講。
嗌左四樣野：
酸辣鳳爪（＄18）：細碟，唔辣，唔稔，唔爽。我都唔明，現成野都可以咁差。令我想起長長沙灣松記隔離間泰式鳳爪，好食過呢碟十倍。
豬頸肉（＄18）：女朋友話，從來無食過咁難食既豬頸肉。嗯，真係幾難食，有陣怪味。
花蟹粥（＄22）：D蟹肉梅既，但去到呢個時候，你還能有期望嗎？個粥底其實唔錯，如果你唔介意食味精的話。
雞絲粉皮（＄22）：我真係好唔明，呢度既雞絲粉皮都只不過係一堆現成既材料加埋，淋D麻醬係上面姐，都可以整得咁難食...連D麻醬既味都唔好食。
四碟野加埋＄80，仲有茶錢＄10同加一＄9，咁樣收多我廿蚊....慘過比人打劫。
到左最後，埋單＄99，個伙記收左我一百蚊無找錢，我比唔比貼士係我既事，你無論如何都唔可以假設我一定會比果一蚊貼士！
食餐咁既垃圾收我一百蚊？
张贴
