串酒里 (已結業)

呢間山林道隱世串燒店，真心唔易搵，要喺條巷仔轉入去，入口並不顯眼，座位數目不多，卻坐滿晒客人。今日接埋女友收工一齊去食串燒。🍢🍢🍢每串價錢二三十蚊起，價錢中規中矩。必點我最愛嘅鹽燒厚切牛舌$68，即點即燒，所以都要等一等先食得。牛舌調味十足，夠惹味，同埋係超多汁！！估唔到會保留到咁多肉汁，好正。👅👅👅麻辣汁燒雞泡魚乾$49，都幾特別，醬汁麻而不辣，點埋沙律醬一齊食可以中和番麻辣味。🐡🐡🐡女友鍾意食玉子，呢份日式芝士焗玉子($39)，性價比超高，玉子極厚身，嫩滑多汁，表面鋪滿芝士，拉到絲，一人一舊好滿足。🥚🥚🥚黃金蒜蓉燒扇貝$88，一客三隻，價錢又唔算貴喎，勁多蒜蓉，一上到黎已經聞到好香蒜蓉味。