極上帝王水產

营业中

休息中

晚市禁堂食後第一次去食放題。每位$259+10%，食物選擇都唔少。我哋第一輪先食刺身，發現質素比想像中好，尤其係帶子、象拔蚌、大赤貝。我哋呢餐狂食壽司🍣，貪佢料多飯少，款款都冇伏。芥末八爪魚香辣開胃。左口魚邊都有少少油香。凍櫃有啤酒任飲，所以我哋都叫咗兩份枝豆，好啱一路傾偈一路食。估唔到而家日式放題都有泰國菜。我哋試咗冬陰公湯，不過覺得有啲酸😂。佢哋有盒裝豆腐花同自製甜品任食。門口都有啲local brand同埋韓國雪條。佢哋而家仲推出咗壽喜燒同埋磯燒食品。我哋見到隔籬枱嘅和牛壽喜燒鍋好吸引，可惜已經完全食唔落了😢。