常麵館 (已結業)

聽問尖沙咀常麵館d車仔麵都好食而且入面有啲figure擺設，今次終於有機會去試。叫咗魚蛋豬皮魷魚小辣油麵，湯底係蕃茄湯。另一個車仔麵係龍蝦丸鳳爪咸牛脷沙嗲汁粗麵，湯底係豬骨湯底 。另外叫咗一份瑞士雞中翼同埋菜心加腩汁。先講瑞士雞中翼，真係有d喜出望外，因為隻雞翼真係好大隻而且雞肉好嫩滑，最緊要係d瑞士汁入曬落隻雞翼度，呢個係值得推介。另外菜心亦都得啱啱好翠綠色而且菜夠新鮮。兩碗車仔麵個湯底都非常濃郁，而最緊要入面嘅餸每一款份量都大及多。最有印象係鹹牛脷，唔係好多地方車仔麵有呢個餸揀，鳳爪亦比較大隻同埋冧都係值得揀嘅餸。下次有機會去尖沙咀又想食麵，我一定會再嚟食常麵館嘅車仔麵。