影片
港铁尖沙咀/尖东站 P3 出口, 步行约7分钟
继续阅读
开饭介绍
位于尖沙咀的车仔面店，提供港式车仔面，店内摆有许多店主的模型，车仔面的配料十足，分量适宜。
继续阅读
营业时间
星期一至六
11:00 - 21:30
星期日
全日休息
公众假期
11:00 - 21:30
公众假期前夕
11:00 - 21:30
以上资料只供参考，请与餐厅确认详情
难得得闲同同事一齐出去食lunch，虽然我麻麻地但两位同事都钟情车仔面，一于就行远少少试吓呢间常面馆。叫左碗三𩠌：肥牛、墨鱼丸、猪大肠捞米粉。因为我好唔钟意食面，好少见有食车仔面嘅地方可以叫捞米粉，而且仲有好多款汁可以拣。印象中有咖哩汁、腩汁、瑞士汁等等，我今次就拣左瑞士汁。瑞士汁食落甜甜地，捞匀食米粉一流！𩠌方面牛肉都算多肥瘦适中，墨鱼丸就正常无咩特别，而我个人推荐猪大肠睇得出又大又肥美。整体黎讲味道唔错，份量对男仔黎讲可能有啲少。下次会再同同事黎试其他𩠌😆尖沙咀返工人士值得一试
继续阅读
我哋今日几个人特登过嚟呢间面馆食晏， 平时落单都相安无事，但系今日对住呢位男职员无礼貌既工作态度真系顶佢唔顺、佢简直系想赶客走！事原系佢过嚟问野，我哋答左佢，佢又唔明再问，之后佢就开始发脾气，首先佢就掉低张单比我哋，跟住我哋咪check 下内容啦，突然间佢又喺我朋友手中一手抢走张单，再掉低另一张单比我哋（哗、佢究竟发生咩事呀发咁大脾气掉张单落我哋枱面）虽然当时正值午市，但系楼面唔算好多客，佢根本就唔系好busy, 佢对客人嘅服务态度简直系劣评，佢如果做得咁辛苦咪迟职啰，做咩嘢要赌老细米，我哋嚟呢度系食嘢啫，唔系嚟呢度受你气、我哋吾系嚟呢度睇你面色架！
继续阅读
萝卜好林好食，卤水牛筋又林又入味又滑，汤底浓但面底唔够多，米线幼身同烟靭，鸡翼牛肚争啲啲，口感似牛腩，芫荽饺几好食，$48包嘢饮抵食，仲要系包柠檬薏米水，啱晒我饮。👍🏻
继续阅读
由于铺头系正公司附近，所以间唔中都会嚟食lunch,试过唔同既汤底，最钟意都系蕃茄薯仔汤再加辣汁同沙嗲车仔面𩠌方面有好多选择，lunch 3𩠌车仔面仲有饮品送都唔洗$50，以尖沙咀嚟讲性价比都算高。今次就嗌咗水鱿鱼，萝卜同埋牛腩。萝卜煮得够晒冧同埋入味，而且无渣水鱿鱼亦够晒爽口，牛腩方面都够入味😋至于面方面，煮既软硬度适中，不过份量方面就略嫌偏少，女仔食可能都系岩岩够饱，男士可以考虑加底。除咗车仔面之外，餐厅亦有几款饭类可以选择。另外，餐厅冷气方面就略嫌唔够，夏天食都几热，希望餐厅系呢方面可以改善。
继续阅读
同阿女睇完恐龙展，就过黎呢边睇吓有咩食，行过见到间小店就试下啦！第一次黎食野，环境都几舒服、食物份量足够，店员服务态度良好，味道都唔错，亦有卖相，值得推荐嘅舖头。
继续阅读