影片
更多
2022-04-13
63 浏览
🔥😍實測荃灣嘅「雲家小鍋米線」～ 因為我今日啱啱食完第二次，趁記憶非常猶新，同大家出個詳細食評介紹下！🤣🤣🤣我自己嘅米線五星星評分標準係：1️⃣ 湯底夠唔夠酸，夠唔夠辣，多唔多青2️⃣ 米線份量夠唔夠多，幼唔幼身，滑唔滑，彈唔彈牙3️⃣ 餸料選擇多唔多，質素好唔好，入唔入味4️⃣ 餐廳位置容唔容易搵，環境會唔會好污糟，座位坐得舒唔舒服5️⃣ 排隊時間耐唔耐，上菜效率快唔快，店員服務態度好唔好我哋嗌咗：▫️酸辣小鍋米線（腩肉+雞絲+螺旋藻）$28 （$10+$9+$9）▫️酸辣小鍋米線（豬軟骨+豬大腸+豬脷）$28 （$10+$10+$9)▫️秘製豬頸肉 $45▫️凍檸茶2杯!!!!🌟湯底🌟❤️🔥夠酸夠辣嘅酸辣湯底簡直就係米線嘅靈魂～(⊙_⊙)❤️🔥 呢度嘅湯底好正，同雲桂香有啲似，都係爆香過啲肉碎，但呢度無咁鹹，唔算好油膩，同埋夠酸（食到酸菜粒）！我為咗健康著想少咗食辣嘢，所以今次只係嗌咗「小小辣」過吓癮🥺 因為湯底幾香濃，底下仲有啲花椒辣椒碎，所以個味道都算夠喉，幾惹味！😝 我食食吓發現原來自己都飲咗好多湯，無咩個種勁重味精所以極口渴嘅感覺（利申：我keep住有飲檸茶）🌶 同埋芫荽控表示呢度落單可以要求「多青」
我自己嘅米線五星星評分標準係：
1️⃣ 湯底夠唔夠酸，夠唔夠辣，多唔多青
2️⃣ 米線份量夠唔夠多，幼唔幼身，滑唔滑，彈唔彈牙
3️⃣ 餸料選擇多唔多，質素好唔好，入唔入味
4️⃣ 餐廳位置容唔容易搵，環境會唔會好污糟，座位坐得舒唔舒服
5️⃣ 排隊時間耐唔耐，上菜效率快唔快，店員服務態度好唔好
我哋嗌咗：
▫️酸辣小鍋米線（腩肉+雞絲+螺旋藻）$28 （$10+$9+$9）
▫️酸辣小鍋米線（豬軟骨+豬大腸+豬脷）$28 （$10+$10+$9)
▫️秘製豬頸肉 $45
▫️凍檸茶2杯!!!!
🌟湯底🌟
❤️🔥夠酸夠辣嘅酸辣湯底簡直就係米線嘅靈魂～(⊙_⊙)❤️🔥 呢度嘅湯底好正，同雲桂香有啲似，都係爆香過啲肉碎，但呢度無咁鹹，唔算好油膩，同埋夠酸（食到酸菜粒）！我為咗健康著想少咗食辣嘢，所以今次只係嗌咗「小小辣」過吓癮🥺 因為湯底幾香濃，底下仲有啲花椒辣椒碎，所以個味道都算夠喉，幾惹味！😝 我食食吓發現原來自己都飲咗好多湯，無咩個種勁重味精所以極口渴嘅感覺（利申：我keep住有飲檸茶）🌶 同埋芫荽控表示呢度落單可以要求「多青」🤪🌿，所以我嗰碗都食到有勁多芽菜、酸菜、韭菜、蔥同埋芫荽！！！
-
🌟米線🌟
米線唔算話好彈牙，有少少冧，但係都幼身，重點係浸咗喺湯入邊好耐都唔會變得好難食，所以大家唔洗擔心～🤪 份量都幾多吓，所以我地都食得幾慢先食得曬⋯⋯😂
-
🌟餸料🌟
呢間嘅餸料選擇好多，有啲特別嘅餸值得試下，例如螺旋藻、豬脷等等，平時喺其他米線舖好少有得嗌！😍😍😍👍🏻 兩碗米線嘅賣相都擺得幾靚仔，啲餸好平均地放咗喺米線上面，唔會埋沒左喺碗底。😙 份量都算驚人，我原本expect嗌三個餸嘅話啲份量應該會相對地少咗，但結果每樣餸都有好多，真心好足料！（有圖有真相）🤣
想講螺旋藻同雞絲真係同酸辣湯底好夾！😍 螺旋藻係類似海帶嘅物體（其實我唔肯定佢係咪同海帶係同一樣嘢，有無谷友可以解答下我呢個疑問🤔😂）啲雞絲🐓撕到好似雪花❄️咁，完完全全索晒酸辣湯底嘅精華，勁入味！
腩肉🐖勁長勁大塊，肥瘦分明，厚厚地，肉質偏結實，正正常常咁無咩要挑剔啦！
豬軟骨大大件，炆得ok腍，但未去到一夾即散嗰個level～
滷水豬大腸🍗口感有嚼勁，味道香濃咸香，同埋份量好多，唔係淨係得零碎幾粒。不過豬大腸脂肪含量極高，極為邪惡，記得唔可以成日吃！豬脷爽口彈牙，滷得好入味～🥰
🌟環境🌟
呢間地方唔係好大，係荃灣街市附近嘅街坊地舖，距離地鐵站都幾遠吓（建議大家從地鐵站出發可以穿過德華公園去）👀 下午茶時段人流唔係好多，所以都坐咗兩個鐘，店員唔會收嘢趕你走，啲冷氣都好夠🌬，夏天食唔會身水身汗，建議大家盡量避免繁忙時間去！
🌟效率🌟
第一次去係舊年三月左右，見到谷友成日讚呢間，有啲谷友仲現場直播勁長嘅排隊人龍。所以我都去咗試下究竟係咪真係大家講到咁好味。結果喺烈日當空之下，排咗幾個字先入到去😭 嗰次仲要因為太即興嘅關係，話去就去，連防曬必備嘅遮同帽咩都無帶⋯⋯🌞 雖然嗰次係覺得好食嘅，不過我太懶唔想再排隊。🌚
-
今次隔咗一年再返嚟，同樣係下午茶時段，今日係完全唔洗排隊，一入去就已經有位！！！😆🙏🏻 而且味道口感都仲keep得返啲水準，同埋落單之後好快就上菜，以今時今日嘅時間效率嚟講，個人覺得呢間值得回頭！✨
—————————————————
💖推介程度💖
湯底：🐰🐰🐰🐰
米線：🐰🐰🐰🐰
餸料：🐰🐰🐰🐰🐰
環境：🐰🐰🐰
效率：🐰🐰🐰🐰🐰 (depends)
—————————————————
P.S. 原本我地好想試埋即叫即燒🔥嘅雞軟骨同牛肉串燒，不過佢地話串燒爐已經收起咗，暫時都唔會再供應串燒住⋯⋯無辦法啦～唯有試住個秘製豬頸肉先 ╮(╯▽╰)╭
果然係自家炭燒豬頸肉🍢😍 豬頸肉個邊烤得脆脆地好香口，肉質爽彈肥美，富油香勁 juicy！蘸上泰式酸甜醬好開胃滋味！🥰🥰🥰 不過如果嗌三餸米線有機會食唔曬，大家可以衡量吓嗰日胃口好唔好，小食都好飽㗎！😝😝😝
≡※≡※≡※≡※≡※≡※≡※≡※≡※≡※≡※≡※≡※≡※≡※
雲家小鍋米線 (荃灣)
荃灣沙咀道328號328廣場地下G01舖
≡※≡※≡※≡※≡※≡※≡※≡※≡※≡※≡※≡※≡※≡※≡※
张贴
