影片
更多
2024-03-30
30 浏览
今日陪家人去将军澳医院覆诊，覆诊完嚟附近嘅富宁花园买药材，顺便医肚，呢度食肆唔多，堂食嘅就只得一间茶记，同埋呢间粉面店。间舖几光猛，亦好整洁，但全部都系圆台圆櫈，无卡位，系典型嘅粉面店格局，相比斜对面间茶记，呢度人流多啲，照计比另一间好食啲。家人叫咗碗云吞米线，$42，我就叫咗牛腩牛筋面（$46+14=$60），另外叫咗碟炸鱼皮，$14，一共$116。最先到嘅系炸鱼皮，用个白色胶袋包住，要自己打开，明显系预先包装，咬一口，硬嘅，虽然食得到，但一啲都唔脆，所以我决定将佢留返嚟浸汤面。米线及汤面同时到，粉量算系足够，家人畀咗两粒云吞我食，而佢就试咗我嘅牛筋。家人猛赞个云吞好食，话好爽，啲虾好大只，而就觉得啲云吞包得过实，唔得松，同佐敦间麦文记或中环麦奀记完全无得比，即使沾仔记嘅云吞都好食过佢。牛腩切得公公正正嘅条状，但无牛肉味，牛筋腍得嚟爽，算系当中最好食嘅嘢。面系正常嘅蛋面，无碱水味，话时话，依家好少食到劲多碱水嘅生面，一般都系用蛋面。成碗面最大败笔系咸！尤其是炸鱼皮没落碗汤度就更咸，而且无新鲜嘅炸鱼皮浸落汤度嘅微声吱吱响，证明包鱼皮唔新鲜，唔知放咗几多日，食完碗面后劲口干，好唔舒服，要
间舖几光猛，亦好整洁，但全部都系圆台圆櫈，无卡位，系典型嘅粉面店格局，相比斜对面间茶记，呢度人流多啲，照计比另一间好食啲。
家人叫咗碗云吞米线，$42，我就叫咗牛腩牛筋面（$46+14=$60），另外叫咗碟炸鱼皮，$14，一共$116。
最先到嘅系炸鱼皮，用个白色胶袋包住，要自己打开，明显系预先包装，咬一口，硬嘅，虽然食得到，但一啲都唔脆，所以我决定将佢留返嚟浸汤面。
米线及汤面同时到，粉量算系足够，家人畀咗两粒云吞我食，而佢就试咗我嘅牛筋。
家人猛赞个云吞好食，话好爽，啲虾好大只，而就觉得啲云吞包得过实，唔得松，同佐敦间麦文记或中环麦奀记完全无得比，即使沾仔记嘅云吞都好食过佢。
牛腩切得公公正正嘅条状，但无牛肉味，牛筋腍得嚟爽，算系当中最好食嘅嘢。面系正常嘅蛋面，无碱水味，话时话，依家好少食到劲多碱水嘅生面，一般都系用蛋面。
成碗面最大败笔系咸！尤其是炸鱼皮没落碗汤度就更咸，而且无新鲜嘅炸鱼皮浸落汤度嘅微声吱吱响，证明包鱼皮唔新鲜，唔知放咗几多日，食完碗面后劲口干，好唔舒服，要立即埋单，走去隔离间超市买支茶嚟解渴。
如果有下次的话，我肯定唔会叫炸鱼皮同牛腩，宁愿食得清清哋，叫碗水饺、菜肉饺，甚或双丸好过。
张贴
