鴻興清湯腩專家

营业中

休息中

今日陪家人去將軍澳醫院覆診，覆診完嚟附近嘅富寧花園買藥材，順便醫肚，呢度食肆唔多，堂食嘅就只得一間茶記，同埋呢間粉麵店。間舖幾光猛，亦好整潔，但全部都係圓檯圓櫈，無卡位，係典型嘅粉麵店格局，相比斜對面間茶記，呢度人流多啲，照計比另一間好食啲。家人叫咗碗雲吞米線，$42，我就叫咗牛腩牛筋麵（$46+14=$60），另外叫咗碟炸魚皮，$14，一共$116。最先到嘅係炸魚皮，用個白色膠袋包住，要自己打開，明顯係預先包裝，咬一口，硬嘅，雖然食得到，但一啲都唔脆，所以我決定將佢留返嚟浸湯麵。米線及湯麵同時到，粉量算係足夠，家人畀咗兩粒雲吞我食，而佢就試咗我嘅牛筋。家人猛讚個雲吞好食，話好爽，啲蝦好大隻，而就覺得啲雲吞包得過實，唔得鬆，同佐敦間麥文記或中環麥奀記完全無得比，即使沾仔記嘅雲吞都好食過佢。牛腩切得公公正正嘅條狀，但無牛肉味，牛筋腍得嚟爽，算係當中最好食嘅嘢。麵係正常嘅蛋麵，無鹼水味，話時話，依家好少食到勁多鹼水嘅生麵，一般都係用蛋麵。成碗麵最大敗筆係鹹！尤其是炸魚皮沒落碗湯度就更鹹，而且無新鮮嘅炸魚皮浸落湯度嘅微聲吱吱響，證明包魚皮唔新鮮，唔知放咗幾多日，食完碗麵後勁口乾，好唔舒服，要

其實比一百蚊食碗拉麵，不如平平地幾十蚊食碗清湯牛腩河好過啦。問心嗰句，40幾蚊，有咁嘅質素，超值啦，講吓佢啲牛腩先，夠淋，有五香味，唔太重其他味，所以唔會搶咗牛腩本身嘅牛味，佢有肥膏，瘦肉，跟腱位，所以食落去啲口感都有唔同。最唔鍾意啲牛腩一係全肥/一係全部瘦。呢碗牛腩河就唔會。河粉方面，夠新鮮，唔會疊埋一齊，條條分明，唔會煮到好淋，少少爽口，點解我叫河粉？因為貪佢夠滑，吸到湯！而湯頭唔算太清，但都唔會太咸，飲落都正！

今日因為有個朋友住將軍澳，所以佢就帶咗我嚟呢間度食牛腩麵，佢話呢度嘅牛腩好出名，於是我下午又同佢過咗嚟呢一間餐廳度食，佢嘅環境同其他粉面嘅裝修差唔多，但係都算乾淨，而且好光猛，當然坐得唔會特別舒服，因為佢用圓凳，我哋兩個人叫咗一碗牛腩米線同埋四寶丸，嚟到之後嗰碗麵一望就覺得好細碗喎，雖然我係女仔，但係我一望就知自己唔夠飽，不過唔緊要食咗先，牛腩咬落去，我覺得好好食好香嘅牛味，而且好有口咬，我覺得味道在錯，而且我哋加咗菜，所以佢有幾條菜心跟埋俾我哋我另外嗌咗一碗四寶丸，真係得四粒有魚蛋水餃墨丸，老實講，雖然佢哋係手做，但係四粒加一碗麵真係唔夠飽，所以我哋兩個再加左一碟炸雲吞，但係其實佢個價錢嚟講唔算平，除咗味道好之外份量同埋價錢我都覺得唔合理。

呢間鴻興清湯腩專家喺我嘅童年回憶，以前返工返學成日幫襯，可以話喺由細食到大，但自從搬咗屋之後，就小機會嚟食啦。 去探望母親大人，母親大人提意去食返碗麵，於是一齊落樓懷念一下清湯腩嘅味道😋😋我就叫咗個牛肚麵，母親大人叫咗碗瘦腩米線。牛肚麵：麵底口感柔韌富彈性，湯底一如既往的好，很濃郁。碗上會用湯匙裝住葱段比客人嘅，味道既熟悉又懷念，但今次牛肚炆得唔係好夠冧。瘦腩米線：瘦腩很juicy，夠冧身，而且份量足夠，見到母親大人食得津津有味，我都覺得好開心呀😊😊鴻興清湯腩專家 (將軍澳)將軍澳寶寧路25號富寧花園富寧商場下12號舖

呢間我真係由細食到大，由小學升中學到依家出社會，初初水準都叫keep到幾好，特別以前我都係好鍾意食佢啲牛腩仲有雲吞，佢既生意都好過出面戈間合興，之但係呢排真係越做越差，食到我一肚火，忍唔住要走上黎寫食評！叫大家去之前真係諗諗佢。午市，叫左牛腩河加大，如圖所示，啲「牛腩」乾到癲，食落仲要柴到咬唔郁，食到我成排牙都係啲牛肉絲，剩係用牙簽都用左幾條。真係再冇下次！Such a bad experience, never again.

第一次食鴻興跟隔離枱客叫左肥腩河之外仲叫左個牛什河色水夠牛味出牛什處理得好乾淨好有香味另外叫左炸魚皮浸落湯落好味腐乳通菜都唔錯檸茶偏甜不過冇套餐價錢比一般粉麵店貴

從小吃到大的小店🤩🤩🤩這裏的清湯腩不錯，不會太un😛牛味十足，對比區內的清湯腩店這間絕對是首選這裏的魚皮更是我打火鍋必定會去買的新鮮鮮炸，非常之脆！而水餃及雲吞也是早上員工自家包，10分好吃！餡料很足夠，皮夠薄！ ！但是，這一間的麵條大部份口感差若然能加以改善就更好了🙈

年幾冇食，今日咁岩冇時間食晏，二點幾過去叫碗牛腩河醫醫肚，牛腩片到薄薄，得六條窄窄，一直以來見佢出手越來越少，但男師傅都有個普。吾知係咪女師傅原因，待客孤寒，唉，永不再食佢啦！

位於將軍澳坑口居屋屋苑「富寧花園」地下的商店通道裡面，有一間看似只是一般的潮州粉麵食店，但是實際上其實也是屬於跟「越南菜」有關的粉麵餐廳，名稱叫做「鴻興清湯腩專家」。由於「鴻興清湯腩專家」餐廳樓面完全沒有跟電視機有關的裝置，所以「鴻興清湯腩專家」樓面寧靜而又交通方便到我的環境，令我對「鴻興清湯腩專家」的「環境」評分大大增加。不過，「鴻興清湯腩專家」真真正正吸收到我注意力的地方，不是餐廳位置鄰近我坐專綫小巴旁邊的小巴站，更加不是因為餐廳沒有電視機播放新聞，而是因為「鴻興清湯腩專家」少有地提供潮州炸雞翼粉麵食品。「鴻興清湯腩專家」裡面的炸雞翼粉麵食品，食品的正式名稱叫做「炸雞翼麵」。我見「鴻興清湯腩專家」也有提供雙併湯粉麵食品，所以大膽詢問「鴻興清湯腩專家」侍應，食店有否提供雙併版本「炸雞翼牛腩」麵呢？結果「鴻興清湯腩專家」侍應替我完成點餐工作之後，寫單和通知廚房裡面的師傅，師傅很快就順利在廚房裡面，成功製作出一碗「牛腩炸雞翼麵」，兩件「炸雞翼」小食食品放在另一餐碟上面。可惜「鴻興清湯腩專家」始終不是一般的港式茶餐廳食店，所以「鴻興清湯腩專家」沒有清湯牛腩，加上炸雞翼小食而成的雙併「牛腩炸

放假咁啱好朋友唔得閒，想我幫手去佢屋企湊契女一日，出發前首先要食左早餐先。雞翼炸得太乾，沙嗲牛肉唔硬幾好食。但米線太硬，可以煮淋少少。我平時食開粉麵一定會落淅醋同辣椒油，呢度嘅辣椒油比出面嘅辣，好香好惹味！食飽飽就要出發去做一日保姆喇🤣🤣

呢間D河粉已經食過幾次啦！味道尚算過得去!牛腩河：牛腩尚算夠淋，湯底味道清甜，整體吾錯!牛丸拼牛腩河：牛丸吾算彈牙，一般般。如果可以食得辣的，可以試試佢D辣椒油，夠麻辣，我只是落左一更就辣到吃吾落，因為我吾食得太辣!

雲 吞 牛 腩 / 牛 筋 河 43講到牛腩/牛筋 雲吞河，不得不提鴻興，食咗咁多年都一直保持水準，雲吞淡淡蝦肉而牛腩就啖啖肉，另外朋友點嘅牛筋都入味又夠淋，平時食開嘅雲吞牛肚河亦都不遜色，總之牛嘅各部分都不能錯過！P.S.嗜辣嘅朋友們當然要加埋佢嘅辣椒油，凍冰冰嘅天氣，辣到咀仔紅卜卜，超正！起茶餐廳食野不嬲對於服務係零expectation，姐姐忙起上泥唔鬼睬你係不足為其，但呢碗牛腩雲吞河絕對可以離補少少這點心靈缺撼味道：★★★★★環境：★★★☆☆服務：★★★☆☆

到這商場的MTR 特惠站DUDU平二蚊，順便在此來個午餐。上次嚐過腩河，今次想試牛什河。可是又想再食牛腩，於是來一個雙拼，牛什拼牛腩。　雙拼河～牛什＆切腩　　　　視覺：牛什排列整齊，白色河粉的份量看來很多，看來很抵食。　　　嗅覺：牛什河的湯底就是腩汁，所以感到腩汁味。　　　口感＆味道：牛肺最滑但夾雜支氣管的脆口軟骨，牛膀最粉但有甘味，牛腸最肥美。毛肚很吸汁，而金錢肚相對不夠入味，牛腩肉跟脂肪分別明顯。厚身河粉味道最清，所以要連腩汁湯底一同品嚐。　　　手感：在消滅多件牛什後，就來到夾河粉。無奈，這個湯碗直徑大，河粉份量很足，但湯碗很淺身。碗內的湯汁未有足夠浮力來承托重重河粉，令碗內的河粉粘結在一起，一餅餅。每夾一箸，要比力，即是大力拉扯，間接將河粉拉斷，變得細碎，馬上胃口全失！拉扯期間，湯底還會彈在臉上。所以中途就放棄這碗牛什河。　　　最後才發現，雙拼計46個大洋，即是以清湯切腩河36蚊再加10蚊來計價。 但係牛什河是34蚊再加10蚊是44蚊喎！　MTR特惠站的平2蚊優惠，就在這間鴻興＜化為烏有＞。

這間位於富零花園內的牛腩河是區內比較出名的河粉店。位於坑口村附近，距離地鐵站比較遠，大約有10分鐘的距離，位置不算十分方便。今天晚上，點了切腩河粉來試試。河粉的質地非常好，以湯底亦做得比較濃郁。主角的牛腩，非常出色，不會太肥膩而肉味非常好。加了魚皮，亦非常好吃。值得一讚的是，魚皮有分大份及細份，二人的話，可以點細分不用浪費。環境方面，是十分狹窄的店舖，不是10分舒適。價錢方面，對於小社區來說，價錢是偏高一點。

同男友行完山，經過坑口，佢話帶我去間佢讀書果陣成日食嘅清湯腩。係青春回憶嘅味道呀！我以前讀書果度全部拆晒lu，想回味都冇機會▶️間嘢喺一個屋苑商場入面，典型港式裝修。食果日唔算多客▶️點咗個清湯腩河。飲啖湯，唔太咸唔太淡，剛剛好，正！而牛腩夠腍又入味！唔會黐牙！▶️勁大碗，我數過有10舊牛腩，都係$36！！d 大胃王發育期男學生都一定飽！▶️平時食d 垃圾lunch 都最少五草啦！好感動呀！！！▶️個辣椒油都正，好香好似老乾媽！