The Joomak (已結業)

哩個天完全唔似係打風喎？藍天白雲，有冇靚成咁先？今日約咗朋友去街街，去尖沙咀朋友就提議黎呢度食lunch，佢話之前食過一次，覺得哩度嗰景好靚，所以就話黎食多次啦🤩🤩🤩🤩入到黎簡直好似世外桃源，完全冇介紹錯，你睇吓個景靚到😍😍😍😍不停掛住影相，我真係好鍾意藍天白雲🤪🤪🤪🤪然後就再望吓個Menu有咩食，原來呢度係間韓國餐廳嚟嘅，有好多新穎嘅韓國嘢食，同埋呢度逢星期三係有放題食，下次試吓先我同朋友嗌咗個蕎麥冷麵配牛肉，要咗豬軟骨醬汁，再叫咗個水梨韓式手卷同埋卡邦尼牙炒年糕😋😋😋😋😋首先個蕎麥冷麵到咗先，簡直好似成幅畫咁，因為佢有啲乾冰喺面，啲乾冰既煙不停咁飄下飄下，呢個時候仲唔係相機食先影左一輪相就開始食嘢，原來有三舊蕎麥面，然後有啲燒牛肉，泡菜，蘿蔔絲，青瓜絲，自己自由組合，然後在撈埋啲醬汁食，對於今日打颱風好焗嘅天氣真係好啱食然後嗰水梨韓式手卷上抬，即刻急不及待試一舊先，不過我覺得有啲乾身，麻麻地既！然後個炒年糕都到埋，個醬汁就好似普通卡邦尼亞意粉個醬汁撈埋年糕，都幾好味嘅，仲有啲椰菜呢度仲可以任座，唔限時唔知係咪因為已經過咗食晏嗰段時間呢？