媽咪雞蛋仔 (已結業)

我最中意食雞蛋仔，好多間出名既食過咁制。真係只會光顧呢間!因為係超足料，無空心!每次都會揀朱古力味，今次試左其他!伯爵茶朱古力餅底係伯爵茶配上粒粒朱古力伯爵茶俾我想像中出到個茶香，淡香得來唔會苦，同時唔會被朱古力蓋過左!但同時見到朱古力係佈滿整個雞蛋仔!因為有啲店舖真係逐一雞蛋仔放一粒朱古力lol份量十足!足料!外脆內軟，恰到好處!而且入面係實心嫁!芝士雞蛋仔第一次試咸既雞蛋仔，又唔錯喎!芝士淡淡既咸香又唔會蓋左雞蛋仔既蛋味!唔咸唔膩!同樣地，好足料!今次試埋佢既飲品朱古力控當然揀特濃朱古力沙冰!好香朱古力味，佢加左朱古力粒粒，飲時有朱古力咬下唔錯!唔會太重奶味!透心涼!益力多沙冰不過不失，好大杯!沙冰處理得非常均勻，唔會仲有冰塊!