喜點.鮮鍋粥底火鍋點心專門店 (已結業)

近年香港打邊爐興起粥底火鍋呢種食法，大概就係用白粥水做湯底，之後放海鮮，肉類之類既配料，最後就用個吸晒海鮮精華既湯底加米粥煲成海鮮精華粥。喜點有二個套餐，$258餐同$198餐。$258餐有龍蝦，多寶魚，鮑魚，貴妃旁，蟶子皇，黃金蜆，頂級肥牛。而198餐就用奄仔肉蟹同海沙白換左聖子皇同龍蝦。因為我同朋友都唔食蟹，所以就點左258。叫完無耐店員已經呈上白粥水同配料。之後就上海鮮同頂級肥牛，仲同我地講每樣野要煮幾耐左右，佢亦都有個牌放係度比客人睇住黎滾，好細心既服務。我哋首先食咗蜆先，無乜沙仲幾鮮甜，大部分都煮得開。蚌同鮑魚十分新鮮，二者都好爽口。龍蝦好有分量，一人都分到半隻，肉地結實。 聖子就最岩我口味，鮮甜爽口，回味無窮。食完海鮮之後，仲可以選8種火鍋配料。我地選左炸魚皮，滑牛，黑豚肉，牛栢葉，龍蝦丸，牛丸，蝦滑同鯪魚滑。一上炸魚皮店員已經提我地要即食，魚皮應該係自家制，加埋七味粉上去，十分香口，應該係我食過最好食既炸魚皮。而肉類方面，因為吸收左湯既海鮮精華，別有番風味。而鯪魚滑都整得好好食，好鮮滑。 食到最後，自問同朋友都唔算細食，但都食淨唔小野，店員幫我地係湯底加米粥煮成海鮮粥後，